MGA NAWALAN NG TRABAHO.
ni Beth Gelena - @Bulgary Files | August 13, 2021
Sa kanyang Facebook post, humingi ng tulong si Sharon Cuneta sa mga private people para sa mga taong nawalan ng trabaho at naghihikahos bunsod ng pandemya.
Mahaba ang post ng singer-aktres na ganito ang nilalaman...
“PAUSE PO MUNA TAYO ABOUT REVIRGINIZED AND EVERYTHING ELSE ABOUT ME SA POST NA ITO."
Kinumusta muna ni Shawie ang sambayanan ngayong nasa enhanced community quarantine (ECQ) ang NCR at iba pang lugar sa bansa. Hindi raw niya ma-imagine na ang mga taong halos nawalan ng trabaho ay nag-i-struggle kaya marami ang nagugutom.
“I am wracking my brain trying to think of how I and hopefully fellow artistas and singers and other non-famous but more fortunate people can help. Please pray with me so that the Holy Spirit may give me ideas that will work.
“Also, you are most welcome to make suggestions, not just for the duration of the ECQ, but hanggang maayos ang pag-(mis)handle ng Covid crisis na ito sa ating bansa.
“Thank you so much, everyone. Especially to my Sharonians – now my SHARMY (as voted/chosen by them at Sharon 2.0 na ang idol at nanay nila)!
"I'd also like to call on wealthy individuals and corporations who prefer to be anonymous but are very willing to make suggestions to help for the long-term po. Hindi 'yung mamimigay ka ng pera tapos, tapos na. We must help those who have skills to be able to use and earn from them.
"‘Give a man a fish and he will eat for the day. Teach him how to fish and he will eat for a lifetime.’ (Wise words from Confucius if I remember right.) We as ordinary citizens NEED TO COME TOGETHER AND HELP ONE ANOTHER WHEN THE HELP WE NEED IS NOT COMING.
“This is the time to obey God’s command: LOVE ONE ANOTHER. Thank you so much, everyone! May God bless us all and give us wisdom. In the mighty name of Jesus we pray! AMEN.”
Isang netizen ang nagkomento sa mahabang post ng Megastar, “Share mo na lang kaya ang blessings mo sa mga apektado, 'yung walang camera, ha….”
Ang sagot ni Shawie, “Nananawagan nga ako sa ibang gusto ring tumulong. Ang dami mong hindi alam sa mga nagawa ko na at ng pamilya ko, pati mga anak ko, nag-aambag mula sa ipon pati alkansiya. Ang na-‘camera’ gaya ng sabi mo at naisulat na ay kakaunting % lang ng alam ng Panginoong naitulong namin na galing sa puso at walang nakakaalam.
“Besides, KAILANGAN naming ipaalam ang naipaalam na dahil humihingi rin kami ng tulong mula sa iba na nagpapakitang kung kami ay may naitulong, sana sila/kayo rin. 'Yun LANG ang dahilan ng ipinapaalam sa publiko. 'Di na namin kailangan ng papuri o sikat, nagbabawas pa, baka puwede.”
Sa tono ng pananalita ng Megastar, puna ng isang commenter, “Napapansin ko, madaling magalit si Sharon.”
Sumagot pa rin ang Megastar, “Ay, hindi po! Maayos po salita ko today kasi masaya naman po ako.”
Aniya pa, matiyaga lang daw siyang mag-explain sa mga taong hindi makaintindi o ayaw lang daw umintindi sa sinasabi niya.
At kung ayaw pa rin daw tumigil ay bina-block na lang niya.
Hindi rin daw siya nakikipag-away sa kahit kanino.
“Humihingi lang po ako ng tulong sa ibang mga kababayan nating may kakayanan at pusong tumulong. Para hindi lahat umaasa sa gobyerno. Baka lang makausad ng konting bilis pa.
“Kahit maganda ang intensiyon ng isang tao, meron at meron pang mamba-bash. Expected na natin 'to, pero 'wag na lang pansinin.”
Mukhang nangangamoy election 2022 daw dahil sa tinuran ng Mega momshie nina KC Concepcion, Kakie, Miel at Miguel.
Comments