ni Beth Gelena @Bulgary | January 12, 2024
Photo : KathDen Fb page
Akala ng mga fans, in good terms na ang mag-ex na sina Kathryn Bernardo at Daniel Padilla, dahil sa kasal nina Robi Domingo at Maiqui Pineda, nai-video pang nag-uusap ang dalawa.
Well, civil na lang siguro sila sa isa't isa.
Napansin kasi ng mga netizens na mula nang mag-break ang dalawa, naka-unfollow na pala si Kath sa Instagram ni Daniel.
Pero si DJ, naka-follow pa rin naman daw sa ex-GF.
Tanggap naman na ng mga fans nila ang mga nangyari. Hindi lang maintindihan ng mga ito kung bakit bukod kay Daniel, in-unfollow din ni Kathryn sina Liza Soberano, Julia Barretto at Gillian Vicencio.
Okay lang daw si Gillian dahil na-link ito kay Daniel at kumalat pa ngang third party ng hiwalayan ng aktor at ni Kathryn.
Pero takang-taka sila kung bakit pati sina Liza at Julia ay in-unfollow nga rin ng aktres.
Teka, may balita kaming marami pa raw celebrities ang ia-unfollow ni Kathryn sa mga susunod na araw.
Hmmm sinu-sino naman kaya ang mga ito?
Abangers na lang po tayo.
Comentarios