ni Erlinda Rapadas - @Teka Nga | August 18, 2022
Nasa USA ngayon si Kim Chiu kaya hindi siya napapanood sa It's Showtime. Panay ang post niya sa social media ng kanyang mga kuha sa pamamasyal sa Disneyland at sa iba pang lugar sa USA.
Kaya marami ang nagtatanong kung bakit hindi kasama ni Kim ang BF niyang si Xian Lim? Bakit hinayaan siyang bumiyaheng mag-isa?
Busy ba ngayon si Xian? Dati-rati ay magkasama sila kapag nagbabakasyon abroad. Hindi tuloy maalis ang pagdududa ng mga netizens tungkol sa kanilang relasyon.
Para raw isa lang malaking palabas ang lahat at hindi totoo ang ipinakikita nilang sweetness sa harap ng mga tao. Ang tagal-tagal na nilang magkarelasyon, pero bakit hanggang ngayon ay hindi pa nagpo-propose si Xian Lim kay Kim Chiu? Eh, pareho na silang tumatanda. 'Yung mga kasabayan nila noon sa Kapamilya Network ay pawang may asawa't anak na.
Open naman si Kim Chiu sa pagsasabing anytime ay ready na siyang mag-settle down. Pero, dedma si Xian Lim.
Comentarios