Higit P71 M jackpot prize ng Superlotto 6/49, solong nakuha

ni Lolet Abania | May 11, 2022

Wagi ang isang mananaya ng mahigit P71 milyon matapos na tumama sa Superlotto 6/49 draw nitong Martes, Mayo 10.

Batay sa website ng Philippine Charity Sweepstakes Office (PCSO), nakasaad na solong nakuha ang jackpot prize na P71,360,581.00 na may winning combination number na 44-05-17-48-13-43.

Wala namang nakakuha sa kasabay na Lotto 6/42 draw na may jackpot prize na P8,509,629.80 at may winning combination na 07-13-18-02-28-37.

Hindi rin tinamaan ang isa pang draw na Ultra Lotto 6/58 na may jackpot prize na P73,122,256.00 at may winning combination na 46-29-10-38-48-56.