ni Cristine Marish Rivera (OJT) @Lifestyle | Feb. 14, 2025
Photo: Chiz at Heart - IG
“Now I know what love should be,” ito ang mga katagang sinabi ni Heart Evangelista kay Chiz Escudero sa kanilang renewal of vows last year. Pero, ano nga ba ang love? What love should look and feel like? May definite answer ba rito? Tingin ko, isa ang love story nina Heart at Chiz sa mga kasagutan sa tanong na ito.
Paano nga ba nahanap ni Heart at Chiz ang isa’t isa? Alam niyo bang inamin ni Heart na 2007 pa lang crush na niya si Chiz? Ito ay nang mapanood niya si Chiz na magsalita sa isang event sa La Union. Napa- “Hallelujah” na lang daw siya sa galing ni Chiz.
So what’s stopping her during that time? May boyfriend pa siya ng time na ‘yun. Mahilig talagang mag-story time ‘tong si Heart. Ikinuwento niya na noong 2009, una nilang napansin ang isa’t isa sa airport. Nakita niya ito sa smoking section pero akala niya “snob” and little did she know, napansin din siya ni Chiz at pinost pa sa Twitter.
What if sa travel din natin mahanap ang the one? Matapos ang tatlong taon, inamin ni Heart na lumabas sila twice ni Chiz, ilang linggo after ng breakup ni Heart kay Daniel, at buwan matapos ang annulment ni Chiz.
Ilang buwan makalipas, noong October 2012, opisyal na sinabi ng dalawa na sila ay “exclusively dating” at naging tulay si Miriam Defensor-Santiago na mutual friend nila. We all have that one friend na nagrereto, aminin!
Unang sinubok ng tadhana ang relasyon nila noong 2013, ito ay dahil hindi raw gusto ng parents ni Heart si Chiz para sa kanya na umabot pa sa TV dahil sa ginawang press conference ng bawat panig. Hindi rin nagtagal, napagdesisyunang mag-propose ni Chiz kay Heart noong 2014, sa ancestral home nito sa Sorsogon.
Sana all kayang ipaglaban sa parents! February 15, 2015, araw pagkatapos ng kaarawan ni Heart, ikinasal sila sa Balesin. It’s a double celebration, I guess? Tatlong taon again ang nakalipas, sinubok ang katatagan ng kanilang pagsasama. Nagkaroon ng miscarriage si Heart sa dapat ay kambal nilang anak noong 2018. Ngunit, nanatiling positibo ang aktres na babalik muli ang anak pagdating ng panahon.
Fast forward to September 2022, may mga sign na hiwalay ang dalawa. Tinanggal ni Heart ang “Escudero” sa display name nito sa Instagram at hindi bumati ng birthday ni Chiz na never nitong ginawa. Tinuldukan naman ni Heart ang speculations sa pag-post niya ng family picture bago matapos ang taon at ipinahayag sa isang panayam na “everyone goes through problems.”
Tama nga naman, matapos ang lahat ng pinagdaanan nila, mahalaga na kasama pa rin nila ang isa’t isa. ‘Pipiliin ka sa araw-araw’ ang peg. Love it! Muling nag-renew ng wedding vows ang dalawa para sa kanilang 9th anniversary.
“Getting married again the second time around — we’re even now — it seems like it’s actually my first, and I do truly believe it’s actually my first time because I knew what love was before, but now I know what love should be,” ito ang naging bahagi ng vows ni Heart na talagang sumasalamin sa pinagdaanan nilang mag-asawa sa loob ng siyam na taon.
Walang definite answer kung ano nga ba ang love pero isang mahabang paglalakbay ang kapalit to know what love should be and what matters the most is that you have the love that conquers all along the journey. Taray! Ika-10 anibersaryo na rin nila sa February 15 at siguradong handa pa rin silang harapin nang magkasama ang ilang taong darating.
Comments