ni Beth Gelena @Bulgary | October 25, 2023
Ayon kay Dimples Romana, aware raw si Angel Locsin sa mga taong gusto na siyang makitang muli.
Matagal-tagal na ring hindi nagpaparamdam sa showbiz at hindi na rin aktibo sa social media si Angel. Alam daw ng aktres na hinahanap siya ng mga tao at ikinatutuwa niya ito.
Natanong si Dimples kung kelan babalik sa showbiz si Angel. Nabanggit niya na binisita niya ang actress-philanthropist sa house nito somewhere in Metro Manila.
Na-mention ni Dimples kung ano na ang ganap sa buhay ni Angel ngayong wala ito sa sirkulasyon.
Pagbubulgar ni Dimples, "Ikinatutuwa ni Angel na hinahanap pa rin siya ng mga tao kahit naka-break siya ngayon at matagal nang hindi nagpapakita sa publiko."
Nakakainggit nga raw ang sitwasyon ni Angel dahil may kakayahan itong magpahinga muna.
Esplika ni Dimples, “Kasi ang saya, 'di ba? Don’t we all love that na parang, ‘Grabe, huwag na muna akong mag-social media, tapos dito muna ako.’
“'Di ba, ang saya, eh. Kung may ganu'n din naman akong luxury, bakit naman hindi?
"Kaya lang, hindi mahal ang paglipad ni Ate sa Australia,” hirit ni Dimples na ang tinutukoy ay ang panganay niyang anak na nag-aaral ng pagpi-piloto.
Babalik pa ba si Angel sa showbiz?
“No, I don’t…” ani Dimples. “Parang it’s not something I wanna ask of her also, because I see her so happy."
Comments