Gretchen, naunahan pang ikasal ng anak na si Dominique

ni Beth Gelena - @Bulgary Files | October 20, 2021

Nag-react na si Gretchen Barretto sa engagement ng unica hija nila ni Tony Boy Cojuangco na si Dominique.

Excited ang former sexy actress sa pagiging mother-in-law soon kay Michael Hearn, ang fiancé ni Dominique.

Aminado siyang clueless kung ano ang plano niyang gagawin sa wedding gayung hindi pa raw ito nangyayari sa kanya.

Ayon naman sa kanyang longtime partner na si Tony Boy, hayaan ni Gretchen na i-enjoy ni Dominique ang pagpa-process sa pagpaplano ng kanilang kasal.

Heto ang sinabi ni La Greta sa kanyang vlog kung saan nakasuot siya ng pink dress, “Soon to be the mum in law of @mjhearn, who would have thought I will be planning my daughter @dominique wedding at age 51.

“I don’t know where & how to start (I never had one & never planned one ever). Tony has reminded me multiple times to allow our child to enjoy the process of planning.”

Twenty-seven years nang nagsasama sina Gretchen at Tony Boy pero dahil 'di pa rin annulled ang kasal ng businessman sa first wife nito, hindi mapakasalan si Gretchen.