ni Julie Bonifacio @Winner | July 17, 2023
“Of course,” ang sigaw ni Ria Atayde sa tanong namin kung alam ng boyfriend niyang si Zanjoe Marudo na nakita niya na ang butt ni Tony Labrusca.
Nangyari ito sa love scene nina Ria at Tony sa bagong drama series ng pinagsanib-puwersa ng ABS-CBN Entertainment at TV5, ang Nag-aapoy na Damdamin.
Paglalahad ni Tony, “I really appreciate the effort that she made making me comfortable. There was a lot of first for us when we did that scene.
“I don’t know if this is too much info. But this is the first time that I had to wear something that look like a thong to make it seem like seamless.
“And then when we were doing the scene, I told Ria, ‘Hey, don’t look at my butt.’ And she was like, ‘Don’t worry. You have a nice butt.’ And I was like, ‘Uhg, whatever! Sige,’ shinoot na namin ‘yung scene.”
Bagong experience ang paglalarawan ni Tony sa pagsusuot niya ng mala-thong na underwear sa eksena nila ni Ria. Usually daw kasi, nude boxers ang isinusuot ni Tony.
Si Ria naman as soon as she found out kung sinu-sino ang makakasama niya sa Nag-aapoy na Damdamin ay nag-effort nang makipagkaibigan kina Tony, Jane Oineza at JC de Vera.
Pahayag ni Ria, “We started a group. We even tried to hang-out pero hindi naman nangyari prior to work. Pero, nag-effort naman to know each other on a personal level.
“Kasi ako personally, when I work with someone, makakatulong na maging komportable ako sa kanila. At least I know something about them and they know something about me.
“So, we can be vulnerable around each other without getting conscious. And that works for us. And we’re like constantly messaging.
“And then, 'yun nga, they want kasi pasabog ‘yung eksena natin. So, sabi ko, ‘Tony, best friend na kita,’ ‘yung ganoon ka-close agad. I’m just so grateful that we become comfortable with each other easily.”
Kaya sa shoot ng love scene nila ni Tony sa Nag-aapoy na Damdamin ay na-enjoy na ni Ria ang proseso sa pagkuha sa mga eksena nila.
Tawa lang daw sila nang tawa nu’ng kinukunan ang love scenes nila, kaya mas nag-enjoy sila sa set kesa ma-tense.
"So, it was fun. As much as it was intense, nag-enjoy naman kami. In a fun way, ha?” depensa ni Ria.
Anyway, tutukan ang Nag-aapoy na Damdamin mula Lunes hanggang Biyernes, 3:50 PM sa Kapamilya Channel, Kapamilya Online Live, iWantTFC, TFC, A2Z at TV5 simula sa July 25, Martes.
Comments