ni Erlinda Rapadas @Teka Nga | October 25, 2023
Tiyak na ikatutuwa ng mga fans ni John Lloyd Cruz ang balitang gagawa na siya ng serye sa GMA Network. Inihahanda na ngayon ang istorya na kanyang pagbibidahan.
Excited din si JLC na muling bumalik sa serious acting. Nauna siyang nag-produce ng sitcom sa GMA-7, ang Happy ToGetHer na idinirek ni Edgar Mortiz at nagtapos last August, 2023.
Nakasama ni John Lloyd sa sitcom sina Julie Anne San Jose, Carmi Martin, Arra San Agustin, Miles Ocampo, Ashley Rivera, Jayson Gainza, Vito Quizon atbp.. Napapanood ito noon tuwing Linggo nang gabi sa GMA-7.
Makaraan ang ilang buwan ng pamamahinga, muling nagparamdam sa Kapuso Network si John Lloyd at nagsabing ready na siyang gumawa ng serye. Kaya naman, inihahanda na ng magagaling na writers ng GMA-7 ang isang magandang istorya na babagay kay JLC. Inaayos na ang storyline nito at ang cast na bubuo sa serye.
Well, sino kaya ang magiging leading lady ni Lloydie sa seryeng kanyang gagawin?
コメント