Julie Bonifacio - @Winner | January 25, 2021
Nasagot na ng resident numerologist ng BULGAR na si Maestro Honorio Ong ang nabitin naming tanong two weeks ago sa Facebook Live show na napapanood every Saturday at 11 AM sa BULGAR FB page, ang #Celebrity BTS Bulgaran Na!, kung magkakasundo ba ang soon-to-be-magbiyenan na sina Lipa City Representative Vilma Santos-Recto at Jessy Mendiola na fiancée ni Luis Manzano.
Pagkatapos malaman ni Maestro Honorio ang birthday nina Cong. Vilma (Nov. 3) at Jessy (Dec. 3) na parehong pumapatak sa number three, mabilis na sinabi niyang magkakasundo ang dalawa.
"Compatible sila sa numerology. 'Yun nga 'yung birds of the same feather flock together. Kaya 50%, magkakasundo sila.
"'Yung 50%, magdedepende sa Zodiac signs nila," lahad ni Maestro Honorio.
Sagittarius si Jessy at Scorpio naman si Cong. Vi. Pareho raw strong ang dalawang Zodiac signs.
Last time, nasagot na ni Maestro ang tanong kung paano kukunin ang loob ng isang Scorpio na may magulo ring kapalaran at pagkatao.
"Napakadali n'yan. Ang Scorpio, maawain 'yan sa mga mahihinang tao. Gusto niyang tulungan ang mga nangangailangan.
“Parang 'yung napuntahan ni Ate Vi na pulitika. Gusto niyang tumulong sa mga naaapi. Hindi lang tumulong ang gusto ng mga Scorpio, gusto rin nilang ipagtanggol ang mga naaapi. At hindi lang ipagtanggol, kundi proteksiyunan din."
Kaya dapat daw ay magwik-weak-an si Jessy. Kunwari ay inaapi siya or magpakumbaba na mahirap siya, para magustuhan ni Ate Vi.
Pero kapag daw nagpaka-strong at dominante, maiinis sa kanya ang isang Scorpio.
Dapat ay huwag din daw magkuwento si Jessy kay Congw. Vi na sobrang tagumpay siya, kundi ‘yung laging may kulang sa buhay niya.
Kung palaging may kailangan siya, du'n daw lalong matutuwa ang Scorpio na gaya ni Congw. Vi.
"Ang iniisip talaga lagi ng Scorpio, ano 'yung aapihin niya, sino 'yung tutulungan niya, sino 'yung ipapakita niya na mas magaling siya? 'Yun ang gustong laging marinig nila."
Biro namin kina Ateng Janiz at Maestro Honorio, dapat daw ay hindi sinabi ni Jessy na worth P5M ang engagement ring na bigay ni Luis sa kanya.
"Naku, du'n naiinis ang mga Scorpio. Dapat ganito ang ginawa niya, 'Ayaw ko nga itong ipakita, eh. Pinilit lang ako ni Luis, eh. Kaya lang itong mga taga-showbiz, iniintriga ako,’" birong pahayag ni Maestro Honorio.
Pagpapatuloy pa niya, "‘Hindi ko ito ipapakita, eh. At ayaw ko nga ng ganitong singsing.’ Doon matutuwa si Ate Vi."
O, 'di kaya naman daw ay sinabi na lang dapat ni Jessy na 'yung kalahati ng halaga ng engagement ring ay itinulong na lang sa mga mahihirap sa Batangas. Pang-charity sana sa mga na-COVID, malamang daw ay mamahalin siya nang sobra ni Congw. Vi.
"Eto 'yung hinahanap kong tao, mapagmahal din sa mahihirap," ang baka raw masabi pa ni Congw. Vilma patungkol kay Jessy.
So, alam na natin kung paano magiging maayos ang samahan ng magbiyenang Jessy at Cong. Vi, ha?
Comments