Forever love raw ang aktres… BIMBY, BINIGYAN NG BOUQUET NG PINK ROSES SI MILES NU’NG V-DAY

ni Reggee Bonoan - @Sheet Matters | February 19, 2021

Buong-ningning na ipinost ni Miles Ocampo sa kanyang Instagram account ang natanggap na bouquet of pink roses mula sa bunsong anak ni Kris Aquino na si Bimby noong dinalaw ng dalaga ang Queen of Social Media nu’ng Pebrero 14.

Walang boyfriend si Miles at wala ring date nu’ng nakaraang Valentine’s Day kaya na-touch siya sa ginawa ni Bimb.

Caption ni Miles sa larawan nilang tatlo nina Kris at Bimb, “From being my Nanay Roxanne 8 years ago ‘til now, thank you for loving me. Thank you very much for everything, Tita Kris. I love you always.

“I love you too, Bimb. Thank you for being the sweetest.”

Nagkasama sina Kris at Miles sa teleseryeng Kailangan Ko’y Ikaw noong 2013 with Robin Padilla at Anne Curtis mula sa Dreamscape Entertainment.

Namana ni Bimb ang pagiging sweet at thoughtful ng kanyang Mama Kris. Hindi lang pala bulaklak ang ibinigay niya kay Miles dahil may kasama pa itong sulat.

Sa IG story ni Miles ay ipinakita nito ang sulat-kamay ng binatilyo ni Kris kasama ang mga rosas.

“Dear Ate Miles, maraming-maraming salamat for being such a loyal ate. Sana, you will get a letter from a boyfriend and not me lang, hehe. But in all seriousness, I will forever love and respect you,” sey ni Bimb.

Caption ni Miles, “Sweetest Bimb.”