ni Reggee Bonoan - @Sheet Matters! | April 29, 2022
Grabe, hindi namin matagalan ang mga bayolenteng eksena sa pelikulang Kaliwaan na pinagbibidahan nina AJ Raval at Vince Rillon na idinirek nina Daniel Palacio at Brillante Mendoza.
True-to-life ang Kaliwaan, base sa kuwento ni Direk Brillante sa ginanap na private screening nito sa Gateway Cinema 7 nitong Miyerkules.
“Well, matagal na itong kuwento na ito, nabanggit ko naman in the past na kahit hindi ako gumagawa ng pelikula, naghahanap talaga ako ng kuwento, lifestyle ko na ‘yun.
“Isa ito sa mga na-gather ko na kuwento kapag nagre-research ako, and si Daniel naman, marami na akong na-produce na pelikula niya at sa kanya ko ipinagkatiwala ito kasi challenge sa kanya dahil sabi ko, gusto ko, violent. Eh, hindi siya ganu’n tipo, so challenge talaga ito sa kanya,” bungad na kuwento ni Direk Brillante na ayon kay Direk Daniel ay hindi siya iniwan sa entire shoot ng Kaliwaan.
Ngayong Abril 29 ang streaming ng Kaliwaan sa Vivamax na tinatampukan nina Monica (AJ), Muslim admirer na si Raji (Juami Gutierrez), dyowang security guard na si Boogie (Vince), ang tiyuhing si Marlon (Mark Anthony Fernandez), matadero at hitman na si TJ (Felix Roco) kasama rin si Irma Adlawan bilang ina ni Vince.
Maraming sex scenes si AJ kina Vince, Felix, Raji at Mark kaya aminadong napagod siya.
“Meron pong araw na parang buong isang araw, puro karga lang ako. Umiiyak po ako. Tapos, nu'ng pack-up na po kami, dala-dala ko pa rin siya. And then, tumakbo po ako sa friend ko. Locked-in kami nu'n, eh.
“Tapos pumunta ako sa friend ko, iyak lang ako nang iyak. Hindi ko po alam bakit ako umiiyak. Parang nadala ko po 'yung emosyon ng karakter,” pag-amin ni AJ.
Nakakagulat para sa amin ang eksena nila ni Mark Anthony na habang nasa spa ay ang 45 caliber na baril ng aktor ang ipinasok niya kay AJ na talagang nasasaktan na at nakikiusap na tigilan na habang hinahalikan siya sa binti at boobs.
“Si Kuya Mark, 'di ko alam, aliw na aliw po ako sa kanya na katrabaho. Parang after nu'n, gusto ko na siyang maging tropa. Nakakaaliw po siya. Tapos, 'yung eksena po namin, very ano naman po siya, very professional. Saka 'yung mga restrictions, talagang nagtatanong siya kung hanggang saan puwede. Marespeto naman po siya sa mga eksena namin,” tsika ni AJ.
Sa tanong kung huli nang sexy film ni AJ itong Kaliwaan since back to school na siya, "Ay, hindi po! Actually, hindi po ito 'yung last ko. Ahhh, meron po akong naka-line-up na Sitio Diablo kay Direk Roman Perez naman po.
“At 'yung pagpapaseksi naman po and showbiz, never ko naman pong sinabi na mawawala ako. Gagawa pa rin po ako.
"At 'yung pagpapa-sexy, gusto ko po siya, masaya po ako ru'n. Never ko na pong bibitawan 'yung pagpapa-sexy. Siguro, parang… ahhh, bawas-bawas lang din po siguro ako ngayon. 'Yun lang.”
Ang daming pumuri sa pelikula at isasali pala ito ni Direk Brillante sa ibang film festivals sa ibang bansa na para sa amin ay deserve nitong makatanggap ng award.
Sabi nga ni AJ, “Ang naging reaksiyon ko nang mapanood ito sa big screen… 'Ganito pala kaganda 'yung film! Kasali pala ako dito!' sabi ko sa sarili ko.
“Kasi, nu'ng isinu-shoot namin 'yun, nagbe-breakdown ako the whole day. Ang akala ko talaga, 'yung film, drama lang. So, hindi ko in-expect na ganu'n pala kaganda 'yung story, saka kung gaano kagaling sina Vince, sina Kuya Felix.
“'Yung torture scene ni Vince, parang hihimatayin ako kanina! Talagang nagtsi-chill ako, nagtatakip ako ng mata. Pero I don’t wanna miss the scene. Kasi, ang ganda! Ang ganda ng story. Ang galing na aktor ni Vince!”
Sa opening ng Kaliwaan ay torture scene kaagad na ginampanan ni Cataleya Surio. Ganu'n ang gagawin kapag nanghudas ka.
Lesson ng pelikula, crime does pay.
Comentários