ni Erlinda Rapadas @Teka Nga | January 29, 2024
Tinanggap na nina Aga Muhlach at Charlene Gonzales ang offer ng TV5 para sa isang sitcom. Partner dito ng TV5 ang VIVA Entertainment kung saan nakakontrata ang pamilya ni Aga.
Kasama nina Aga at Charlene sa gagawing sitcom ang dalawa nilang anak na sina Atasha at Andres. Wala pang detalyeng ibinibigay si Aga tungkol sa sitcom pero in the bag na raw ito at selyado na ang kanilang kasunduan.
Gustung-gusto ni Aga ang concept ng kanilang sitcom sa TV5 at first time na makakasama niya ang kanyang pamilya sa isang show.
Hindi na sila mahihirapan pang gampanan ang kani-kanilang role dahil real-life family naman sila. Tiyak na aabangan ng mga viewers ang bagong sitcom na ito ng Muhlach Family.
Hindi rin maninibago si Charlene Gonzales sa kanyang pagbabalik sa TV5. Dati na siyang may show dito. At si Atasha, kasama rin ngayon sa noontime show na Eat… Bulaga!. Magiging komportable na si Atasha sa sitcom na gagawin.
Si Andres na lang ang kailangang mag-adjust dahil hindi pa siya gaanong exposed sa buhay-showbiz.
Well, marami ang interesadong malaman kung magkano ang talent fee na ibinigay ng TV5 sa pamilya ni Aga para sa gagawing sitcom. For sure, with Aga & Charlene, milyones pa rin ang kanilang presyo.
Comentários