ni Erlinda Rapadas - @Teka Nga | July 21, 2022
Marami ang nanghihinayang sa paghihiwalay ni Pokwang at ng Amerikanong mister niyang si Lee O'Brian. Baka raw may pag-asa pa na sila ay magkasundong muli at madugtungan ang kanilang love story lalo na't may anak sila na magbubuklod sa kanilang pagsasama.
Pero sa isang interview ni Pokwang, final answer na ang kanyang ibinigay na ayaw na niyang makipagbalikan pa kay Lee. Tama na raw na maayos silang naghiwalay.
Hindi naman niya pinagbabawalan na makita at makasama ni Lee ang anak nilang si Malia. May mutual agreement sila na co-parenting sa kanilang anak. Pero bilang couple, tapos na at wala nang dapat pag-usapan na balikan.
Naiintriga tuloy ang marami kung ano talaga ang dahilan ng kanilang hiwalayan ni Lee O'Brian?
Todo-puri at tanggol si Pokwang sa dating karelasyon, pero ayaw naman niyang makipagbalikan.
Gaano ba katindi ang atraso ni Lee kay Pokwang kaya ayaw na itong bigyan ng second chance ng komedyana?
Well, pasasaan ba't lalabas din kung ano ang totoo! May malalapit na kaibigan si Pokie na tiyak na nakakaalan ng tunay na kaganapan at misteryo.
Comments