by Info @Business News | July 29, 2024
Isa ka rin bang fresh graduate na hirap makahanap ng mapapasukang trabaho na swak sa iyong kagustuhan o natapos? Aba, para sa iyo ito. Kaya ano pang hinihintay n’yo? Halina’t basahin natin ito!
Ngayong taon, mas tumaas ang datos ng mga walang trabaho na Pilipino. Marami rin sa ating mga kababayan ang hirap makahanap ng trabaho na swak sa kanilang natapos sa kolehiyo. Ang iba pa nga ay pinili na lamang na pagtiyagaan ang trabaho na malayo sa kanilang natapos, habang ang iba naman ay hindi na pinursue ang trabaho na nakaayon sa kanilang natapos dahil sa kahirapang mag-apply. Dahil dito, mas naging challenging ito sa mga hindi nakapagkolehiyo.
Ayon sa career expert na si Leo Gellor, mainam umano na habang nasa kolehiyo pa lamang ay inihahanda na natin ang ating resume at ang mga mahahalagang detalye na dapat ilagay dito upang hindi makalimutan ang mga seminars, activities at ang mga na-achieve mo habang tayo’y nag-aaral pa.
Narito ang mga diskarte tips upang matanggap agad sa trabaho na nais mong mapasukan, at maging angat sa iba pang aplikante na kumukuha ng kahalintulad sa kinukuha mong trabaho.
Suriing mabuti ang mga impormasyon na ilalagay sa iyong resume, siguraduhing tama at makabuluhan ang mga ito.
Tiyakin na maayos ang grammar at spelling sa iyong resume.
Kapag nagsimulang mag-apply sa isang kumpanya, ibida mo ang iyong sarili at skills na mayroon ka.
Ihanda ang sarili at mag-research patungkol sa kung ano nga bang klaseng kumpanya ang iyong papasukan.
Siguraduhing nakahanda ang mga valid id/s na mayroon ka, panatilihing updated ang iyong permanent contact number upang madali kang matawagan.
Galingan sa Interview at panatilihing nakangiti habang nakikipag-usap sa iyong employer.
Kung ikaw ay isang college graduate at wala pang experience, gamitin mong panimula at training ground ang iyong internship. Galingan at paghusayan ang training upang malaki ang tsansa na ma-absorb ka ng kumpanya.
Gamitin mo ang mga paraan na ito upang magkaroon ka ng ideya kung papaano magsimulang maghanap ng trabaho. Huwag mong sayangin ang mga pagkakataon, at ugaliin ding maglaan ng sapat na oras.
Maraming pagsubok ang darating sa’yo habang ikaw ay naghahanap ng trabaho na
swak sa iyong kakayahan. Kaya kung makaranas ka ng internship sa kolehiyo, galingan at ibigay mo ang buong puso mo sa training. Ugaliing magpursigi dahil makakamit mo rin sa dulo ang tagumpay na iyong inaasam-asam. Oki?
Comments