Feeling teen-ager lang… JANINE, LATE NA ANG PAG-AMIN, PA-CUTE PA RIN SA RELASYON NILA NI PAULO

ni Ambet Nabus @Let's See | January 25, 2023

Sinagot na ni Janine Gutierrez nang tanungin ang aktres kung ano na'ng label ng relasyon nila ni Paulo Avelino.

Hindi tuwiran ang sagot ng aktres, pero hint na 'yun para sa mga Marites.

"Alam n'yo na 'yun. Gets n'yo na 'yun," natatawang sabi niya.

Aminado naman ang aktres na inspirasyon niya ang aktor at lagi raw niyang nilu-look forward na makita ito.

"Happy, happy lang. I got to talk to him about work, things like that. 'Yun, malaking bagay."

Tahimik at low-profile si Paulo pagdating sa personal na buhay, pero ayon sa aktres, nagkakasundo raw silang dalawa.

"Once you ask his friends naman, everybody will say the same thing na he's really a great guy."

Naging bukas din ang mga magulang ni Janine na sina Lotlot de Leon at Ramon Christopher na kung anuman ang real score sa pagitan ng anak at ni Paulo ay nakasuporta sila.

Nakasama na nga raw nila si Paulo sa family get-togethers — isa sa mga senyales na lumalalim na ang relasyon ng dalawa.

Inamin na rin noon ni Paulo na naipakilala na niya si Janine sa kanyang mommy na nakabase sa U.S.A..