ni Beth Gelena @Bulgary | Jan. 7, 2025
Photo: John Estrada at Barbie Imperial - Instagram
Pinabulaanan ni John Estrada ang pagkaka-link niya kay Barbie Imperial na pinagpipiyestahan sa socmed.
Agad itong tinuldukan ng aktor, at aniya’y hindi niya kilala personally si Barbie, na nali-link naman kay Richard Gutierrez.
Last year ay nakumpirmang nagde-date na sina Barbie at Richard at naging visible na rin sila sa socmed na nagkakasama sa mga events, maging sa event ng family ng actor.
Recently, may tsismis na rocky ang relasyon nina Richard and Barbie dahil kay John.
Una nang nag-deny si Barbie tungkol sa tsismis sa kanila ni John. Aniya, kahit nagkasama silang dalawa sa Batang Quiapo (BQ) ay hindi naman daw sila nagkikita sa shootings.
Post ni John sa kanyang Instagram (IG) Stories, “Unang-una, hindi ko alam kung SINO o SAAN nagsimula ang kalokohan na ‘to, na nagli-link sa amin ni Barbie Imperial.
“Hindi ko po kilala si Barbie Imperial. Kilala ko s’ya bilang artista, pero hindi po sa personal na lebel. Sa tanang buhay ko, minsan ko lang ho s’ya nakita sa X’mas (Christmas) special ng ABS-CBN nu’ng 2021 at 2022 at ‘yun na ho ang huling pagkikita namin sa naalala ko.
“Totoo po, magkasama kami sa Batang Quiapo, pero ni minsan, eh, HINDI kami nagkita dahil po iba ang grupo n’ya, unit at direktor n’ya. Kung sino man ang nagsimula nito, eh, puwede kang maging komedyante.”
May paalala rin siya sa mga nagsusulat ng mga balita.
Sey niya, “At sa mga online newspaper, o tabloid or tsismis sites, eh, bago n’yo ilabas ang isang bagay, mag-research naman kayo kung meron na kahit 0.1 percent na katotohanan, ‘yun lang po at maraming salamat.”
Sa kanyang post, may ibinahagi pa siyang collage photo niya with Barbie, Richard, and even Annabelle Rama with the text “Fake News” na ni-like naman ni Ruffa Gutierrez.
Hmmmm... siguro naman, matitigil na ang mga may makakating dila sa isyung ito ngayong naglahad na si John na fake news ang tungkol sa kanila ni Barbie.
MAY aliw na sagot si Jericho Rosales sa tanong ni Janine Gutierrez.
Sa Instagram (IG) ni Janine ay may ini-upload siyang candid video ni Echo na nasa loob ng recording studio. Makikita sa video na tumatawa ang aktor habang nakatingin sa kanyang smartphone.
Nagpalitan ng conversation ang dalawa na ikinaaliw ng EchoNine (Jericho at Janine) fans, lalo na nang mag-react si Echo sa komento ni Janine tungkol sa kanya.
Ang caption ng aktres sa video, “Back to workies, pero bakit kumakanta ka, Tyrone (karakter niya sa Lavender Fields)? @jerichorosalesofficial.”
Ini-repost naman ni Echo sa kanyang account ang ipinost ni Janine, at saka sinagot,
“Para sa kapayapaan, Iris.”
Masayang nagtawanan ang mga fans at followers sa convo ng EchoNine.
Malapit nang matapos ang Lavender Fields (LF) na pinagsamahan ng tatlong great actors na sina Jericho, Janine at Jodi Sta. Maria.
What comes next daw after ng LF, ang tanong ng mga EchoNine fans.
Comments