Ex-PNP official Garma, hindi dumalo sa pagdinig sa Kamara

Ni Angela Fernando @News | September 19, 2024

Photo: PNPA/Facebook

Hindi nakadalo ang dating police colonel na si Royina Garma sa pagdinig sa Kamara nitong Huwebes dahil sa pananakit ng leeg at tenga.

Sinabi ni House Committee on Public Accounts chairperson at Abang Lingkod party-list Rep. Joseph Stephen Paduano sa pagdinig na nakatanggap sila ng kopya ng excuse letter mula kay Garma kaugnay ng kanyang kahilingan para sa isang medical checkup.

Matatandaang nagsasagawa ang Quadcom ng imbestigasyon ukol sa mga extrajudicial killings, ilegal na droga, at Philippine Offshore Gaming Operators (POGO).

Samantala, binigyang-diin naman ni Antipolo Rep. Romeo Acop, na dapat dalhin sa isang pampublikong ospital i Garma bilang bahagi ng protocol sa mga pagdinig ng House committee.