ni Gerard Peter - @Sports | November 5, 2020
Isang panibagong professional boxer sa katauhan ni Russian Alexander Povetkin ang tinamaan ng novel coronavirus disease (Covid-19), dahilan upang maipagpaliban ang rematch nito laban kay British Dillian Whyte para sa World Boxing Council (WBC) interim heavyweight title sa Nobyembre 21 sa London, England.
Inihayag ni promoter Eddie Hearn na hindi na maari pang ituloy ang ikalawang pagtatapat nina Povetkin (36-2-1, 25KOs) at Whyte (27-2, 18KOs), bagkus ay ililipat na lamang ito sakali sa Enero, 2021.
“Firstly we want to wish Alexander Povetkin a speedy recovery,” pahayag ni Hearn sa isang statement. “This is a challenging time for shows. There will be lots of ups and downs over the next few months. We look forward to the fight happening in late January,” dagdag ng Matchroom Boxing promoter.
Kinumpirma naman ito ng promoter ni Povetkin na si Andrey Ryabinskiy na inaming patuloy na nagpapagaling ang dating 2003 Bangkok World Champion at two-time European gold medal winner sa bansa nito sa Moscow, Russia.
“The Povetkin-Whyte rematch has been postponed. Povetkin fell ill with a coronavirus infection and is now under the supervision of doctors in one of the Moscow clinics, taking care of his health,” saad ni Ryabinskiy. “The course of the disease is normal: there is a fever, but there are no critical complications. We will hope that he will be able to recover quickly enough, but we think that the fight will only take place next year. There is no talk about changing the opponent at the moment. Povetkin will box with Whyte.”
Dahil sa pagkakansela ng naturang laban, iminungkahi ng promoter ni Whyte na si Hearn na maaring tapatan na lamang nito si WBC at The Ring champion Tyson Fury (30-0-1, 21KOs) sa susunod na laban.
Kommentare