ni Mercy Lejarde - @Showbiz Talkies | March 24, 2022
Naku, Ateng Janiz, fake news pala 'yung napanood at napakinggan ni yours truly sa isang YouTube channel na nagsasabing naghuhugas na lang ng mga plato, as in dishwasher na lang si Jericho Rosales now sa New York.
Kunsabagay, wala namang masama sa ganu'ng work, pero ang kaso nga, dehins naman trulili.
Ang totoong tsika ay excited na si Jericho Rosales para sa dream project niyang Sellblock at handa na niyang gampanan ang kanyang mapanghamong papel sa international prison action series ng ABS-CBN International Production and Co-Production division, BlackOps Studios Asia, Psyops8, Story Arch Pictures, at Agog Film Productions kung saan siya ang magbibida.
Kuwento ni Jericho, ipinaalam sa kanya ang Sellblock tatlong taon na ang nakalipas at agad niyang nagustuhan ang proyekto.
Aniya, “It’s always very exciting to do new things, especially groundbreaking projects and I felt that Sellblock is one of those. It was presented to me at the time when I was looking for projects with more grit, projects that would push me, motivate me to try out new things, out of the box stuff, even character roles.”
Magsisilbing Kapamilya comeback ni Jericho ang Sellblock matapos ang kanyang 2018 top-rating series na Halik, kaya naman puspusan ang kanyang research at training para sa papel niya sa serye kasama ang isang New York-based acting coach para sa ‘fresh experience’ na ito.
“Working on this kind of project would push me to prepare in ways that I haven’t done before so I kind of love that fresh experience. There’s a little nervousness on my part and when I get nervous about something, it means that it’s a good thing,” dagdag ni Jericho.
Pangarap din daw talaga ng aktor na makatrabaho ang mahuhusay sa industriya kaya hindi niya pinalagpas ang oportunidad.
“My dream has always been to work with the best in the world. The best actors, best directors, best people in production, best scripts, the best locations. Who doesn’t want that, right? When an opportunity like this comes, you don’t sleep on it. You respond right away. When it was presented to me, I really liked it. Unfortunately, COVID-19 happened, but I’m really glad that Sellblock is back. And I hope this opportunity will open new doors in the international scene, not just for me, but for all the great Filipino talent behind this project."
Makakasama ni Jericho sa Sellblock ang mga de-kalibreng aktor sa bansa na sina Tirso Cruz III, Cherry Pie Picache, Ronnie Lazaro, Rosanna Roces, Mon Confiado, RK Bagatsing at Pepe Herrera na nakaengganyo pa sa kanya na pagbutihin ang proyekto.
Dagdag-inspirasyon din daw para kay Jericho ang mainit na suporta ng mga fans sa Sellblock na nabasa niya online.
Masaya rin si Jericho sa direksiyon na tinatahak ngayon ng ABS-CBN para mas bigyang-pansin ang talentong Pilipino ng global viewers.
“I’m excited that ABS-CBN is focusing on international projects and bringing talents, helping them get discovered and be seen not just in the Philippines, but all over the world,” pahayag niya.
Inanunsiyo ang Sellblock sa international news site na Variety sa 2022 Hong Kong Filmart.
So there, brothers and sisters!
Huwag agad-agad maniniwala sa ipinalalabas ng ilang vloggers sa YouTube lalo na sa mga inilalagay nilang title na kaengga-engganyo nga namang panoorin to win views and subscribers… boom!
'Yun lang and I thank you.
Commentaires