ni Mylene Alfonso @News | Mar. 11, 2025
Photo: Veronica Duterte / IG
Kinuwestiyon ni dating Pangulong Rodrigo Duterte ang legalidad ng pag-aresto sa kanya ng mga pulis makaraang isilbi ng prosecutor general mula sa International Criminal Court (ICC) ang arrest warrant kaugnay ng war on drugs.
Sa isang video na in-upload sa social media ng kanyang anak na si Veronica, makikitang nagsasalita si Duterte habang nakaupo sa Kalayaan Hall sa Villamor Air Base at kinukuwestiyon ang mga otoridad sa batayan ng pag-aresto nang lumapag sa Ninoy Aquino International Airport (NAIA) mula Hong Kong.
“What is the law and what is the crime that I committed? Explain to me now the legal basis for my being here as apparently I was brought here not of my own volition. It’s somebody else’s,” punto ni Duterte.
“You have to answer now for the deprivation of liberty… Have you read the case at the time you made the arrest so that you should be guided on what you should know?” tanong ng dating Pangulo.
Yorumlar