ni Jenny Rose Albason @Overseas News | September 22, 2023
Nagbabala ang mga kritiko sa U.S. Senate dahil nawawala na umano ang kagandahang-asal ng mga ito matapos na baguhin ng pamunuan ng Demokratiko ang mga patakaran upang tapusin ang mga lumang requirement sa pagsusuot ng jacket at kurbata sa tradition-bound chamber.
Ayon sa Majority Leader Chuck Schumer sa Senate Sergeant at Arms, hindi na kailangang ipatupad ang hindi nakasulat na dress code ng Kamara.
Ang relaxed attire rule ay naa-apply sa lahat ng mambabatas, ngunit ang pagbago ay nakita bilang isang espesyal na deal para sa Democratic Senator na si John Fetterman.
Ang istilo ng pananamit ni Fetterman, o marahil ay kawalan ng istilo, ang naging signature niya sa kampanya bago pumasok sa Senado ngayong taon.
Nakakuha rin siya ng simpatiya mula sa marami pagkatapos niyang sumailalim sa gamutan para sa clinical depression sa lalong madaling panahon pagkatapos niyang maupo sa puwesto.
Ang mga mambabatas ay nagsawa ng botohan sa mga damit na pang-gym o iba pang unusual attire.
Parehong nag-relax ang Kamara at Senado sa mga nakalipas na taon sa mga panuntunan upang payagan ang mga kababaihan na magsuot ng mga damit na walang manggas. At noong 2019, ang House green-lighted religious headwear para payagan ang hijab na isinusuot ni Representative Ilhan Omar.
Komen