ni Angela Fernando @Entertainment News | June 15, 2024
Nagkaroon ng pagsasama ang mag-inang sina Maricel Laxa at Donny Pangilinan pati na rin sina Kaila Estrada at Janice de Belen sa segment ng Netflix na ‘I made it, Mom!’
Sa opening ng segment bago mag-umpisa ang interview, tila nagkainitan pa sina Donny at Kaila kung sino'ng mas magaling sa kanilang mga nanay.
Hirit pa ng aktor, hindi raw nila kailangang maging punctual dahil si Maricel naman ang kanyang ina na agad namang sinagot ni Kaila dahil hindi naman maitatangging iconic actress na ang kanyang inang si Janice.
Sa unang episode ng ‘I made it, Mom!’, nausisa naman nina Maricel at Janice ang dalawa kung paano hina-handle ng mga ito ang atensiyong nakukuha sa mga tao simula sa kanilang pagkabata dahil kilalang personalidad ang mga magulang nila.
Sey naman nina Donny at Kaila, they share the same sentiment dahil normal naman daw ang kanilang childhood.
Very aware naman kasi ang dalawang trabaho 'yun ng kanilang mga magulang. Pag-amin pa ni Donny, nakikita niya raw ang kanyang inang pumupunta sa mga shootings pero hindi sila pinapayagan nitong manood ng kanyang palabas dahil inilalayo nito sa kanila ang showbiz.
Aminado naman si Maricel na ayaw niya talagang pasukin ng mga anak ang pag-aartista kaya naman laking gulat niya nang mag-artista si Donny dahil mahiyain pala ito growing up.
Naka-relate naman si Janice sa ina ni Donny dahil kahit siya, umaasang 'wag pasukin ng kanyang mga anak ang industriya.
Wala raw siyang paki kung ano'ng gustong gawin ng mga anak pero umasa talaga itong walang papasok ng showbiz ngunit nakita niya raw talaga kalaunan ang kagustuhan ni Kaila na umarte at mag-artista.
Maraming netizens naman ang nag-enjoy sa naging kuwentuhan ng mag-iina. Sey nga ng marami, parang mas nakilala raw nila ang dalawang young artists dahil sa interview kasama ang kanilang mga nanay.
Comments