ni GA @Sports | October 23, 2023
Isang karagdagang key player ang umalis sa Creamline Cool Smashers sa katauhan ni 2022 Invitational Finals MVP Celine Domingo kasunod ng anunsyong pagnanais na maglaro ng middle blocker sa ibang bansa.
“Creamline management has carefully considered Ceddie's request to play for a foreign team, and has granted her permission to pursue her dreams abroad,” ayon sa inilabas na statement ng Cool Smashers management sa kanilang social media accounts.
Wala pang anumang anunsiyo kung saan lalaro ang 24-anyos na 5-foot-9 na dating Far Easter University Lady Tamaraws middle blocker na naging malaking tulong para sa Cool Smashers na magwagi ng apat na kampeonato, tatlong runner-up finish at isang bronze medal sa Premier Volleyball League (PVL).
Matatandaang linisan rin ni ace playmaker Julia Morado-De Guzman ang koponan upang maglaro bilang Asian import para sa Denso Airybees sa Japan V. League para sa 2023-2024 season. Iiwan nito ang Creamline na patuloy na may solidong manlalaro na kinabibilangan nina Alyssa Valdez, Diana Mae “Tots” Carlos, Jema Galanza, Michele Gumabao, Bernadeth Pons, Kyla Atienza, Kyle Negrito at Risa Sato.
“While this decision impacts our own team's title chances, we believe that supporting her in achieving her personal goals and in being recognized as one of a handful of Filipina volleyball players to be invited as a foreign reinforcement is an important part of our commitment to her growth,” pahayag ng Creamline management. “We want to ensure that Ced has the chance to explore and experience the world of volleyball to its fullest.”
Kasalukuyang sumasabak ang Creamline sa second All-Filipino Conference na susubukan nilang depensahan ang korona matapos ang fourth-set panalo laban sa Choco Mucho Flying Titans nitong nagdaang opening night nung Sabado.
留言