Diego Loyzaga, umaming nagpa-rehab

ni Angela Fernando - Trainee @News | February 24, 2024

Ibinahagi ni Diego Loyzaga sa "Fast Talk with Boy Abunda" nitong Biyernes ang kanyang naranasan nang nagdesisyon siyang magpa-rehab, at ang kanyang mga natutunan dahil dito.

Sey ni Diego, "I will not be a hypocrite in front of you, and in front of our audience, I did go to rehab, definitely."

Matapang na inamin ng aktor na nagkaroon siya ng problema sa sarili bago siya pumasok sa rehab.

"If you’re already a person with a problem, meron kang pinagdadaanan and there’s other substances, other factors that are pulling you down, it’s a hard bit to crawl out of," pagbabahagi niya.

Lumapit na raw siya at humingi na ng tulong sa mga propesyonal pero hindi niya rin itinangging may relapse siya minsan.

Napapaiyak daw ang aktor kapag ginugunita ang mga araw niya sa rehab.

"I go back to that pain. It was eight months until I saw the moon, the sun. I'm not shunning my rehabilitation, I owe them my life. Pero you’re kind of trapped inside, hindi ka makakalabas until you get to meet your family again. That was the saddest thing," kwento ni Diego.

Dahil dito, natuto raw si Diego na pahalagahan kung ano ang meron siya.

Nagkaroon daw ng purpose ang buhay ng aktor at binago siya ng karanasan niyang ito.

Nagpakita rin ng interes ang aktor na maging mental health advocate at gamitin ang kanyang platform para maibahagi sa iba ang kwento niya.