ni Nitz Miralles @Bida | July 5, 2024
“Kuh Ledesma is a vampire,” comment ng katabi namin sa interview kay Kuh Ledesma para sa kanyang Kuh Ledesma Sings Her ABC concert. Ang comment na ‘yun ang dahilan para i-Google namin ang age ng ‘Pop Diva’ at nagulat kaming malaman na she is already 69 years old.
Kuh doesn’t look her age at bampira nga siya at nang tanungin ang kanyang beauty secret, “sleep” ang sagot.
She’s trying her best to sleep early at hindi pa success ang effort niyang ito, but she gets enough sleep to look young, glowing and beautiful.
Sinabi pa nitong, “I believe ang pagiging hiwalay ko 19 years ago sa husband ko is an easier life.”
Idinagdag sa beauty secret niya ang hindi pagkakaroon ng sama ng loob, and take things lightly.
Anyway, ang concert ni Kuh is happening on August 3, 7 PM sa Winford Manila Resort and Casino. Directed by Vergel Santo Domingo with special guests David Young and Nathan Randall. Opening act ang ROTA Musika Pilipinas and the concert is produced and presented by VCSD Entertainment Production.
Mga bata at foreigner ang guests ni Kuh. Nathan is 16 years old and David is 19 years old at ang sagot ni Kuh kung bakit sila ang guests niya, “Gusto ko bata and good looking.”
Part ng proceeds ng Kuh Ledesma Sings Her ABC ay mapupunta sa friend ni Direk Vergel na undergoing sa dialysis three times a week na si Chef Boom Jotas at para sa kidney transplant procedure nito. Ito rin ang isa sa mga rason kung bakit mabilis tinanggap ni Kuh ang project nang i-pitch sa kanya. Gusto niyang makatulong sa friend ng kanyang director.
IFINLEX na ni Xian Lim ang girlfriend na si Iris Lee sa premiere night ng Kuman Thong. Nag-post na siya ng photos nila ng girlfriend at may parang appreciation post pa siya para kay Iris at talagang pinuri niya ito.
Kaya lang, limited pa rin ang puwedeng mag-comment sa kanyang Instagram, kaya kahit anong gigil ng mga galit sa kanilang dalawa, no choice sila kundi tingnan at basahin ang post ni Xian.
Ipinost ni Xian ang photo nila ni Iris sa cinema kung saan ipinalabas ang Viva Films movie na showing ngayon. Silang dalawa pa lang sa loob ng sinehan, except for some Viva Films people, nakalagay ang kamay ni Iris sa braso ni Xian at pareho silang nakangiti.
“To this talented, overly passionate human being.
“Hardworking is an understatement when it comes to the effort you put in all your projects, may it be with me or all the great directors you have worked with.
“Our film would not be the way it is now if it weren’t for you juggling the logistics in the Philippines and Thailand plus the creative side of Kuman Thong.
“When all seemed impossible, you believed, pushed, carried everyone and went through great lengths and created magic. To more films with you @iris.lee.”
Ang ganda sana kung open ang comment box ng IG ni Xian to know the sentiments of the fans and the bashers. Wait na lang tayo kung kailan maging open to the public na uli ang comment box ng IG ni Xian at hindi puwedeng hindi niya mabanggit si Iris Lee dahil sabi nga nito, to more films with her as his producer.
Comentarios