'Di na galit si Mamang?! POKWANG, NAGPUNTA SA CONDO NI LEE PARA IHATID SI MALIA

ni Julie Bonifacio @Winner | November 30, 2023

Kumalma na ang kumukulong galit ng komedyanteng si Pokwang sa former live-in partner niyang si Lee O’Brian.

May nagpadala kasi sa amin ng video kung saan nandoon si Pokwang kasama ang anak na si Malia at ama nitong si Lee.

Sa video ay makikita na pumasok sa isang glass door sa lobby ng condominium si Pokwang bitbit si Malia, habang sinalubong naman sila ni Lee.

Inihatid ni Pokwang si Malia sa tinitirhan ni Lee na condominium. At nu’ng magkita ang mag-ama sa lobby ay mainit na niyakap ni Lee si Malia.

Kita naman ang kasiyahan sa mukha ni Malia nu’ng magkita sila ng kanyang ama. Pagkatapos magyakapan ay iniabot ni Pokwang ang bag ni Malia sa anak, sabay talikod at labas ng condo.

Nag-usap sina Pokwang and Lee, pero ‘di ganoon katagal. And then, iniwan na ni Pokie si Malia kay Lee. Mukhang doon matutulog si Malia sa condo na tinutuluyan ng kanyang padir.

Sa kabila nito, tila may something pa rin between Pokwang and Lee. But at least, ‘di na ganu'n katindi kaya naihatid ni Pokwang si Malia sa ama nito.

Okey na rin ang nangyari dahil naipakita ni Pokwang ang kanyang pagmamahal kay Malia kahit kapalit pa nito ang pagsakit ng kanyang kalooban.

Magandang simula ito para kina Pokwang at Lee. Hindi man sila magkaayos at magkabati, at least, pagdating sa anak nila ay pareho silang nagnanais ng kaligayahan ni Malia.

And it only goes to show na labas na sa sigalot nina Pokwang at Lee si Malia. For sure, magiging masaya pang lalo ang Pasko ni Malia this year.

Speaking of Pokwang, tuluy-tuloy ang renovation ng bago niyang bahay na may mahigit 1,000 sq. meters ang laki. Bukod sa bahay nilang mag-iina, may sariling “bahay” or area si Pokwang para sa kanyang negosyo na mga pagkain.

Ang area na ‘to sa bahay ni Pokwang ay tinawag niyang Casa Malia. At katuwang ni Pokie rito ang kanyang anak na si Ria Mae Subong.