ni Vinia Vivar @Frankly Speaking | Mar. 18, 2025
Photo: Nadine Lustre - IG
Nag-aalmusal (kasama na ang tanghalian at hapunan) ngayon nang katakut-takot na bashings si Nadine Lustre mula sa mga supporters ni dating Presidente Rodrigo Duterte o mga DDS (diehard Duterte supporters).
Ito ay matapos i-reshare ng aktres sa kanyang Instagram (IG) Story ang isang placard na may nakasulat na: “COLLECT THEM ALL.”
Sa ibaba ng placard ay may tila checkbox sa mga pangalang Duterte, Netanyahu at Putin.
Naka-check na ang pangalang Duterte sa nasabing card board. Ang dalawa pang pangalang tinukoy sa placard ay sina Benjamin Netanyahu (Prime Minister ng Israel) at Vladimir Putin (President ng Russia).
Siyempre, ang post na ito ni Nadine ay lumikha ng galit mula sa mga DDS. Ipinalagay ng mga supporters ni Digong na tsek na tsek kay Nadine ang pagkakaaresto sa dating pangulo. Kaya naman, kung anu-anong masasakit na salita ang ibinato nila sa aktres. Tinawag nila itong bobo, laos, user, etc..
May nagkomento pa na kaya siya hiniwalayan ni James Reid ay dahil ‘pretentious, weak and intellectually incapable’ ang aktres.
“Conversation pa lang, you know she’s a counterfeit intellectual matter. In simpler terms, no knowledge is stored in her brain,” panlalait pa ng DDS.
Sey naman ng isa pa, “So Nadine Lustre decided to make herself relevant by barging herself in the hot topic today and making a ludicrous remark about former President Rodrigo Duterte. The desperation of so-called actress is so unimaginable. Sabagay, laos na kasi, kesyo bata pa lang.”
Good thing ay ipinagtatanggol naman ang aktres ng kanyang mga fans at ng mga anti-Duterte.
“Thank God that Nadine dumped that apolitical guy. Mind you, Nadine Lustre is too good for him and not the other way around. Si Nadine pa talaga ang intellectually incapable, eh, ‘yung lalaki ngang ‘yun, walang political stance? Palibhasa, ‘di apektado kaya walang paki sa mga nasa laylayan,” pagtatanggol ng isang fan ni Nadine.
Mukhang hindi naman apektado si Nadine ng mga bashings at dedma lang siya sa mga ipinupukol sa kanyang masasakit na salita.
ALL-OUT ang support ng Federation of Filipino-Chinese Chambers of Commerce and Industry, Inc. (FFCCCII) sa Chinese animation na Ne Zha 2.
Dumalo ang mga officers and members ng FFCCCII sa pangunguna ng pangulo nitong si Dr. Cecilio Pedro sa ginanap sa VIP Premiere Theater ng nasabing anime sa Fishermall noong Sabado, Marso 15.
Maaga pa lang ay naroon na si Mr. Pedro kasama ang iba pang opisyales ng FFCCCII tulad nina VP Jeffrey Ng, VP Frank Co, Secretary General Dr. Fernando Gan, Board Member Wilson Lee Flores, Director Eddy Cobankiat, Director Patrick Cua at iba pang mga kaibigan.
Ayon kay Dr. Pedro, naintriga siya sa pelikulang Na Zha 2 dahil word of mouth ito bukod pa sa number one animated box-office hit at nagtala bilang 5th highest-grossing film sa cinematic history na ipinalabas sa 37 European countries.
“Isang mainit na pagtanggap at taos-pusong pasasalamat sa inyong pagdalo sa makasaysayang okasyong ito. Sa ngalan ng FFCCCII, ako po si Dr. Cecilio K. Pedro, ay lubos na nagagalak na kayo’y naririto para sa eksklusibong premiere ng NE ZHA 2, isang pelikulang nagdudulot ng pag-asa, tapang, at pagpapahalaga sa pamilya!
“NE ZHA 2, the world’s number 1 box office animation and the 6th highest-grossing film of all time, is a triumph not just for China, but for all of Asia. Its universal themes of courage, family, and overcoming adversity resonate deeply with Filipino values.
“The success of this film should inspire us in the Philippines and across our region to embrace our own stories, amplify our creativity, and prove that Asian narratives can captivate the world.
“As we enjoy this cinematic masterpiece, let us reflect on how Ne Zha’s journey mirrors our own aspirations. Just as he rose above challenges through unity and resilience, so too can our nations achieve greatness by working together,” ani Dr. Pedro.
“Sa pamamagitan ng proyektong ito, patuloy nating pinatitibay ang diwa ng pagkakaisa at pagmamahalan ng ating dalawang bansa,” aniya pa.
Sa totoo lang, namangha kami sa pagkakagawa ng pelikula. Totoo naman ang sinasabing papuri sa mga reviews na stunning and breathtaking talaga ang visual effects nito. Hindi lang pang-world-class ang animation kundi pati ang story ay napakaganda rin.
Pampamilya ang pelikula na nagpapakita ng pag-asa, tapang, at pagpapahalaga sa pamilya. Ipinakita rin dito ang wagas na pagmamahal ng isang ina sa anak, na ibibigay ang lahat kahit maging kapalit pa ang kanyang buhay.
Sa kabilang banda, sa mga susunod na buwan, maglulunsad pa ang FFCCCII ng cultural at civic projects bilang bahagi ng golden anniversary celebration ng Philippines-China Diplomatic Relations na mula sa iba’t ibang philanthropic, economic at civic initiatives.
Comments