ni Nitz Miralles @Bida | Nov. 5, 2024
Ipinasilip ni Heart Evangelista ang tinawag niyang “The new home of @senatespousesph.”
Ang ganda ng bagong opisina at dominant ang white color. Ang linis tingnan ng office with white sofa at glass ang table.
Sabi ni Heart, “Made possible with the love and support of my dearest @genteelhome.ph family. We thank you standing by our side as we continue to make a difference. Thank you once again @thekatrinablanca @geewell_fuster and @pbell_aid our loyal volunteers can now work in this wonderful office.”
Dagdag pa ni Heart, “This is dedicated to our longest volunteer ‘Miss Net’. A passion project of mine @senatespousesph.”
Pinasalamatan si Heart ng mga kasama niya sa Senate Spouses for a beautiful and elegant office, very neat din itong tingnan at mas sisipagin ang kanyang mga staff at volunteers na magtrabaho.
Speaking of Heart, ang pagka-karaoke habang natatrapik ang solusyon niya sa pagkainip. Natutuwa ang mga fans nito na nagiging madalas ang pagka-karaoke niya ngayon at ang nakakaaliw pa, kahit bumili ng pastry, dala-dala ang Cherry karaoke machine.
Tiyak na marami ang gagaya sa kanya.
KAHAPON ang New York Marathon na sinalihan nina Sam Verzosa at Rhian Ramos at sa update ng aktres, nasa kalahati pa lang sila ng marathon na kanilang tatapusin. Nag-last training pa sila para matapos nila ang 42 km. na kanilang tinakbo.
Ang daming nagtsi-cheer sa dalawa, mga kaibigan nila na based in New York at talagang sinuportahan ang pagsali nila sa marathon na ang Smile Train ang beneficiary.
Nabanggit ni Sam ang, “Para sa @smiletrain charity at lagpas 100 bata na ipapaopera namin na may Cleft Palate (bingot). Pray for us, guys.”
Abangan natin ang update nina Sam at Rhian sa pagsali nila sa New York Marathon na kanilang ginawa para makatulong.
Natutuwa ang mga netizens na kahit hindi taga-Manila, tinutulungan pa rin ni Sam. Hindi naman siguro lahat ng 100 kids na ipapaopera nila ay residente ng Manila, pero tinutulungan pa rin nila.
Hindi na raw si Mark Reyes ang director ng Sang’gre na pagpapatuloy sa kuwento ng Encantadia. Ang alam namin, nagsimula nang mag-taping si Direk Mark at marami na siyang nakunang eksena. Hindi naman siguro uulitin ang taping, ipagpapatuloy na lang ng dalawang directors na papalit sa kanya.
Sina Direk Rico Gutierrez at Enzo Williams daw ang papalit kay Direk Mark sa Sang’gre. Mahuhusay din silang mga directors at hindi naman sila pipiliin ng GMA kung hindi sila magagaling.
Ang latest na ginawa ni Direk Rico ay Heart World (HW) ni Heart Evangelista. Siya rin ang director ng Amazing Earth (AE) at marami pang shows ng GMA.
Si Direk Enzo naman ang director ng Walang Matigas na Pulis sa Matinik na Misis.
Ang sey ng mga netizens, si Direk Enzo ang in-charge sa action scenes, at sa VFX o visual effects naman si Direk Rico, at magtutulungan sila sa pagdidirehe sa iba pang aspeto ng Sang’gre na pinagbibidahan ni Bianca Umali.
Kaya raw malungkot ang mata, John…
PRISCILLA, NA-FOOD POISON
Nakakaloka ang mga comments sa Instagram (IG) ni Priscilla Meirelles dahil sa balitang spotted ang asawang si John Estrada na may kasamang babae sa isang bar.
Ang mga comments ng mga netizens:
“Sobrang ganda para lokohin.”
“Slaaay! Forget about the loser, my queen. Your prince will come! Someone who deserve you more... keep going.”
May pinansin naman ang sad eyes ni Priscilla sa ipinost niyang photos nang dumalo sa Opulence Ball 2024.
Ang sagot ni Priscilla, “In character po for the costume inspiration.”
Binanggit din nito na na-food poison siya at muntik nang hindi makadalo sa party.
May nakakatawang comment naman na sinabihan si Priscilla na ‘wag nang balikan si Rigor (name ng karakter ni John sa Batang Quiapo) at nagbirong pangit si John Estrada.
Hahaha!
Comentários