D.O. ng EXO, may concert sa ‘Pinas sa Agosto

ni Eli San Miguel - Trainee @News | March 25, 2024

Magdaraos si Doh Kyungsoo, na mas kilala bilang D.O., ng kanyang unang fan concert sa Pilipinas sa buwan ng Agosto.

Sa social media platform na X (dating Twitter), inanunsiyo ng concert promoter na Wilbros Live na magdaraos ang miyembro ng EXO ng kanyang "Bloom" Asia fan concert tour sa Maynila sa Agosto 31.

Hindi pa inaanunsiyo ang karagdagang impormasyon tulad ng lugar at detalye sa pagbili ng ticket.

Noong 2018, huling bumisita si D.O. sa Pilipinas kasama ang ibang miyembro ng EXO para sa kanilang "ElyXiOn in Manila" concert.

Nag-debut siya bilang K-pop idol sa grupong EXO noong 2012 at inilabas naman ang kanyang solo debut album na "Empathy" noong Hulyo 2021.