ni Julie Bonifacio @Winner | Oct. 16, 2024
Photo: BINI PH
Pagkatapos ma-sold out ang ticket para sa concert ng all-female P-Pop group na BINI, ang merchandise naman nila ang mabilis na mauubos.
In-announce na ng BINI members kung kailan ang official date ng pag-release ng kanilang merchandise.
Sa isang video ng BINI na ipinost ng kanilang fan ay sinabi ng girl group na sa October 28, puwede nang mag-avail ng kanilang merchandise.
Caption ng BINI fan sa video, “Mauuna ang exclusive members to pre-order Tour Merch starting October 28 and General Public starting November 4.”
Sa same X account ng BINI fan ay ipinost niya ang presyo ng mga merchandise ng P-Pop group.
Lightstick pa lang ay nagkakahalaga na ng P2,999, t-shirt- P1,099, hoodie-P1,699, pillow-P999, photocards-P399, socks-P599 at Beanie-P1,799.
May mga namahalan sa presyo ng merchandise ng BINI, pero may nagsasabi rin na reasonable ang price.
Sey ng mga fans:
“Not bad na sa prices. Buti bumukas tenga, hays. That BINI nga pala, all proceeds mapupunta sa chosen charity nila & kung ‘di ako nagkakamali, special edition s’ya and not limited edition, ‘di ba? Correct me if I’m wrong sa pagkakaunawa ko (laughing emoji).”
“Thank you naman at reasonable lahat ng prices.”
“Psychology price strategy.”
Afraid naman ang ibang BINI fans na agad magkaubusan at pagkatapos ibebenta sa mas mataas na presyo.
Gaya na lang sa ticket para sa concert ng BINI na umabot na raw sa P20K ang presyo ng bentahan ng mga nang-hoard pagka-release na pagka-release pa lang nito sa public.
Reaksiyon ng netizen, “Pagkakakitaan na naman ng iba ‘yan, bibilhin ng ganyan price, tapos papatungan ng x10 (crying emoji).”
Grabe!
Magso-showbiz na rin? MADIR NI YULO, SINAMAHANG MAG-LIVE SELLING NI AI AI
SINORPRESA ng ina ni Olympic Gold Medalist Carlos Yulo na si Angelica Yulo, o Mommy Angge, ang kanyang mga viewers sa ginawa niyang online live selling kahapon.
No less than the Comedy Queen Ai Ai delas Alas ang special guest ni Mommy Angge sa kanyang live selling na ginanap sa function room ng isang karaoke bar/studio.
Very vocal si Ai Ai sa pagsuporta sa ina ni Carlos simula nu’ng pumutok ang kontrobersiya sa mag-ina.
For sure, may nagparating kay Mommy Angge ng pagsuporta sa kanya ni Ai Ai. Kaya hayun, nagkaroon ng kakaibang pagkikita in person ang dalawang ina.
Mukhang “arranged meeting” ang pagtatagpo nina Ai Ai at Mommy Angge.
Sa Facebook (FB) page ni Ai Ai ay naka-upload ang video kung saan naunang dumating ang komedyana sa function room at may mga kasamang kumakain.
Habang hinihintay ni Ai Ai ang pagdating ni Mommy Angge ay panay na ang tsika niya sa kanyang followers ng pagiging special guest niya sa live selling nito.
Si Ai Ai ang unang nag-mine sa items na ibinebenta ni Mommy Angge.
Vibes na vibes naman ang dalawang ina sa ginagawa nila na ikinatuwa ng mga followers nila pareho sa socmed.
Ewan lang kung pinanood muli ni Carlos Yulo ang kanyang ina kasama si Ai Ai na nagla-live selling.
Baka after ng live selling nina Ai Ai delas Alas at Mommy Angge ay magkaroon sila ng
proyekto together.
At gulatin na lang ang publiko na pinasok na rin ni Mommy Angge ang showbiz.
Abangan…