ni Lolet Abania | July 6, 2022
Dumating na sa bansa si Chinese State Councilor at Foreign Minister Wang Yi nitong Martes ng gabi, ayon sa Department of Foreign Affairs (DFA).
Sa isang tweet, malugod na sinalubong ng mga opisyal ng DFA ang Chinese foreign minister sa Villamor Air Base sa Pasay City.
Una nang sinabi ni Pangulong “Bongbong” Marcos Jr. na makikipagkita siya kay Yi upang palakasin pa ang ugnayan o ties sa pagitan ng Beijing at Manila.
Sinabi ni Pangulong Marcos, pag-uusap nila ang iba pang bagay na may kaugnayan sa Pilipinas at China, at hindi lamang ang isyu ng West Philippine Sea.
Ayon sa Pangulo, ang cultural at educational exchanges ay tatalakayin din nila gayundin, ang usapin ng military na aniya, “if that will be useful.”
Gayunman, sinabi ni P-BBM na wala pang nakaiskedyul para rito.
Comments