ni Angela Fernando @Entertainment News | August 1, 2024
Proud na ibinahagi ng theater at ngayo'y mainstream media actor na si Cedrick Juan sa kanyang Instagram ang ilang behind the scenes ng kanyang photoshoot para sa Vogue Man PH.
Makikitang kasama ng ‘GomBurZa’ actor sa isang feature ng Vogue ang mga aktor na sina Elijah Canlas at Kelvin Miranda.
Naging bukas din si Juan patungkol sa kanyang pananaw sa pag-arte at sa mga ginagampanang karakter sa nasabing artikulo.
“I hope people get inspired by my roles. Like when I play Father Burgos, I want them to see that persona reflected in me. Even before GomBurZa, I was always like this. I’m political, I criticize, the only thing that has changed was the size of my audience,” saad ni Juan sa interview kasama ang Vogue.
Maraming mga tagasuporta nito ang mas humanga at natuwang gumagawa na ngayon ng ingay ang pangalan ng magaling na aktor maging sa labas ng apat na sulok ng teatro.
Comments