Carco Movers, sinilat ang Galeries Tower sa PVL

ni GA @Sports | October 29, 2023

Mga Laro sa Martes

(FilOil EcoOil Arena)

2:00 n.h – Cherry Tiggo vs Gerflor

4:00 n.h. – Farm Fresh vs Creamline

6:00 n.h. – Cignal vs Akari

Mabilis na tinapos ng F2 Logistics Cargo Movers ang laro laban sa Galeries RiseTower sa bisa ng straight set, 25-15, 25-22, 25-17 upang makuha ang ikalawang panalo sa harap ng nagtitiliang mga manonood ng 6th Premier Volleyball League All-Filipino Conference eliminasyon kahapon sa Candon City Arena in Ilocos Sur.

Nanguna sa puntusan si Ara Galang na humambalos ng 14 puntos mula sa 11 atake, 2 ace at isang block, kasama ang 12 digs at 9 receptions, habang sumuporta rin sina Jolina Dela Cruz sa 11pts at 5 receptions, at Majoy Baron sa 10pts

“Not perfect. But that’s how it is. Hindi naman straight line ang improvement. It’s a series of good and bad games. Eventually, magkakaron ng okay na laro,” wika ni coach Regine Diego. “Hopefully, sa mga ganitong laro, experience-wise, mas magkaroon sila ng connection.”

Wala namang nagtapos na double digit sa Galeries na pinangunahan ni Norielle Ipac sa 7pts at Rapril Aguilar sa 6pts.

Sunod na makakalaban ng F2 Logistics ang Petro Gazz Angels, habang reresbak ang Galeries laban sa Choco Mucho sa Nov2.