ni Erlinda Rapadas @Teka Nga | Jan. 16, 2025
Photo: Julie Ann San Jose at Rayver Cruz - Instagram
Nagpahayag ng concern at pag-aalala ang mga loyal fans nina Julie Anne San Jose at Rayver Cruz na baka matulad din sila sa tambalang JakBie na naghiwalay matapos ang pitong taong relasyon.
Kaya naman, sinasabihan na nila sina Julie Anne at Rayver na magpakasal na upang hindi na magkahiwalay pa.
Kung si Rayver ang tatanungin, handa na siyang pakasalan si Julie Anne anumang oras na gustuhin nito.
Ilang beses na niyang sinasabi na si Julie Anne ang babaeng gusto niyang pakasalan at makasama habambuhay.
Vocal din naman si Julie Anne sa pagsasabing mahal niya si Rayver at malalim na ang level ng kanilang relasyon. Masaya siyang kasama lagi ang singer-actor.
Pero, at this point of her career, may mga pangarap pa siyang gustong tuparin. Priority pa rin ng Limitless Star ang kanyang career.
Malaki ang tiwala ni Julie Anne sa nobyong si Rayver Cruz. Hindi nila kailangang madaliin ang pagpapakasal. Maraming oportunidad ang naghihintay para mas gumanda pa ang kanilang future.
Ayaw na ayaw makita nu'ng magladlad…
BB, KA-TIKTOK NA SI ROBIN NGAYON
Tanggap na pala ni Sen. Robin Padilla si BB Gandanghari sa kanyang pagiging miyembro ng LGBT+ community. Ito ang naibahagi ni BB kay Boy Abunda sa guesting niya sa Fast Talk with Boy Abunda (FTWBA).
Kung noong si Rustom Padilla pa siya ay kuya ang trato sa kanya ni Sen. Robin, ngayon na BB na ang kanyang katauhan, younger sister na ang turing sa kanya ng utol.
Malaking factor ang kanilang Mama Eva sa pagtanggap sa kanya ni Robin. Noong una raw siyang nagladlad ng kanyang tunay na katauhan, halos ayaw siyang makita ng kapatid. Pero ngayon ay magkasundung-magkasundo na sila.
Maraming natuwa at naaliw sa ginawa nilang Tiktok ni Sen. Robin. It seems masaya naman ngayon si BB sa kanyang bagong katauhan. Babaeng-babae na ang hitsura niya at tanggap siya ng lahat, hindi na siya nakakaranas ng bashing at panlalait.
Behaved naman kasi si BB Gandanghari at hindi nai-involve sa anumang iskandalo.
ALL-OUT ang suporta ng GMA Network sa pagbabalik ng action seryeng Lolong na pinagbibidahan ni Ruru Madrid.
Mas pinalaki at pinalawak ang istorya ng Lolong 2. Halos 50 stars ang nasa cast na may kani-kanyang role na ginagampanan.
Bukod kay Ruru Madrid, kasama sa major cast sina Shaira Diaz, Jean Garcia, Rochelle Pangilinan, Mikoy Morales, Paul Salas, Klea Pineda, at Maui Taylor.
May role rin dito sina John Arcilla, Rocco Nacino, Martin del Rosario, Tetchie Agbayani, atbp..
Ang Lolong: Bayani ng Bayan (LBNB) ay mula sa direksiyon nina Mark Baco at Romel Penesa.
Alagang-alaga ng GMA Network ang career ni Ruru Madrid at proud ang Kapuso Network sa mga achievements ng aktor.
Masipag ding mag-promote at umikot si Ruru sa mga regional shows. Mas sineseryoso at tinututukan ni Ruru ang kanyang pagganap sa sequel ng Lolong. Hindi lang siya sa drama mahusay, kundi maging sa mga action scenes, kaya action hero ang kanyang tatahakin.