ni Erlinda Rapadas @Teka Nga | January 8, 2024
Dahil sa pagkakapanalo niya bilang Best Actor sa nakaraang MMFF 2023 Gabi ng Parangal, marami ang nagkainteres na alamin ang background ng theater and movie actor na si Cedrick Juan na bumida sa pelikulang Gomburza.
Gaano raw ba siya kahusay umarte upang talunin niya sina Christopher de Leon, Piolo Pascual at Dingdong Dantes?
Bakit siya ang pinili ng mga jury ng MMFF 2023 na manalong Best Actor?
Well, sa vlog ni Bernadette Sembrano, may ilang bagay kaming nalaman tungkol kay Cedrick Juan. Una, taken na siya at isa ring kasamahan sa teatro ang kanyang karelasyon ngayon. Thirteen years na siyang stage actor kaya nahasa nang husto sa pag-arte. Walo silang magkakapatid.
Naging idolo ni Cedrick Juan sina FPJ, Eddie Garcia, Joel Torre at Nonie Buencamino.
As a person, likas na tahimik at mahiyain si Cedrick Juan. Mahilig siya sa aso at isa sa advocacy niya ay sagipin-kupkupin ang ilang stray and abandoned dogs and cats.
Naging aktibo siya sa Pawssion project na isang animal shelter. May tatlo siyang
puppies na pinangalanan niyang Gomez, Burgos at Zamora.
Bilang actor, mukhang hindi naman si Cedrick ang tipo na lalaki agad ang ulo dahil lang sa kanyang panalo bilang Best Actor ng MMFF 2023. Simple pa rin siyang tao at walang ere at yabang sa katawan!
Comments