ni Ka Ambo @Bistado | September 2, 2024
Napapagod na tayo sa kababasa ng ulat sa sigalutan ng China at Pilipinas sa West Philippine Sea.
Laging ikinakatwiran ay diplomasya.
----$$$--
DIPLOMASYA raw ang ginagamit ng ‘Pinas.
Understood naman ‘yan.
Lahat naman ng relasyon ng mga bansa ay gamit ang diplomasya.
----$$$--
ANO ba ang diplomasya?
Sa usapang kalye, ang diplomasya ay simpleng plastikan.
Sa aktuwal, ito ay pagkukunwari, balatkayo at pagtarak ng punyal sa likuran ng kalaban.
Pero, ang isyu sa WPS ay hindi naman isolated.
-----$$$--
IYAN din ang larawan ng sitwasyon sa ibang bansa.
Diplomasya ang ginagamit.
-----$$$--
KUNG diplomasya ang ginagamit ng ‘Pinas, nangangahulugan na “walang ibang diskarte” ang ating pamahalaan.
Kumbaga sa labada, dapat ay hiwalay ang decolor-sa-puti.
Hiwalay-kung-hiwalay, ‘ika nga ni Kardong Anderdesaya.
-----$$$---
SA aktuwal, ang sigalot sa WPS ay naiko-convert ng ‘Pinas mula sa problema tungo sa oportunidad.
Ibig sabihin, dahil sa sigalot, nagpupundar ng armas-de-giyera ang ‘Pinas.
Napakalaking tama.
-----$$$--
HABANG nanggugulo ang China, tama si Defense Secretary Gibo Teodoro, magpupundar ang Maynila ng isang squadron ng F-16 jet fighters.
Sa giyera rin kasi mauuwi ang sitwasyon.
Petsa lang ang inaantay.
-----$$$--
PINAKAMAGANDANG balita ay ang pagdating sa ‘Pinas ng tinatawag na unscrewed surface vessel (USV).
Ito ang tinatawag na “water drone” o sea drone.
-----$$$--
MAS mainam ay magpundar o umimbento rin ang Pilipinas ng “water drone” tulad sa ginagamit ng Ukraine kontra Russia.
Ikinukumpara ang Pilipinas bilang “Ukraine in Asia”.
----$$$--
KAPAG sinalakay ng China ang Taiwan, walang duda, isasabay sa pagbomba ang Northern Luzon dahil iyan ang pandepensa ng US kontra sa Taiwan.
Mahirap tanggapin ang mapait na katotohanan.
Aktuwal na madadamay ang Pilipinas sa away ng Taiwan-US at China.
-----$$$---
KAILANGAN din ng Pilipinas ang Robot Attack Dogs ng Britain, ito ay machine gun na nakakabit sa robotdog.
Ito ay para mailigtas ang buhay ng mga sundalo.
‘Yan na mismo ang larawan ng World War III.
-----$$$--
TALIWAS sa paniniwala ng marami, hindi armas nuclear ang gagamitin sa Ikatlong Digmaang Pandaigdig.
Ang gagamitin ay mga robot at war drones — aircraft drone sa ere; seacraft drone sa tubig; at robot attack dogs sa lupa.
------$$$---
MAGAGAMIT ang mga bagong recruit ng AFP sa pagmamaniobra ng mga modernong drones.
Hindi kailangang nasa aktuwal na frontlines ang mga batambatang sundalo, bagkus sila
ay nasa ligtas na underground tunnel.
Sana maunawaan ito ng lahat.
------$$$--
WALANG record na matatapang ang sundalong Tsino, pero ang ‘Pinas ay kilala sa tapang sa panahon ng digmaan.
Likas din sa Pilipino na mahusay sa diskarte.
Iyan ang magiging capital ng ating bansa sa panahon ng digmaan na aktuwal na nararanasan sa daigdig.
-----$$$--
LUMALAKAD na ang kasaysayan ng daigdig sa tinatawag na “pre-world war 3”.
Iyan ang sitwasyon — maniwala kayo o hindi.
Maghanda ng contingencies anumang araw!
Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.
Comments