ni Erlinda Rapadas @Teka Nga | Jan. 26, 2025
Photo: VG Marc
Naka-move on na si VG Mark Leviste kaya biglang ipino-post na sa social media ang larawan nila ng bago niyang pag-ibig na si Aira Lopez, na isang stewardess. Isa rin siyang triathlete, vlogger, at mahilig sa sports.
May dalawa rin siyang kapatid na babae na parehong flight stewardess din.
Sey ni VG Mark, nagkakasundo sila ni Aira Lopez dahil pareho silang sports-minded, mahilig sa musika, at parehong outgoing ang personalidad. Mas bata si Aira kay VG Mark, pero dahil may mga anak na millennial ang pulitiko ay naiintindihan niya ang mundo ni Aira.
Ngayon ay masasabi nang naka-move on na si Leviste sa breakup nila ni Kris Aquino. Mahigit isang taon din ang naging relasyon nila ni Kris.
Well, it seems posibleng sa kasalan na nga mauwi ang relasyon nina Mark Leviste at Aira Lopez dahil wala namang kumokontra.
Anak ni Sharon, kaya hirap makahanap…
BOBONG BF, ‘DI UBRA KAY KC
MARAMI ang nagsasabing mahihirapan daw na makahanap ng boyfriend si KC Concepcion.
Ito’y dahil anak siya ng dalawang sikat na celebrities na sina Sharon Cuneta at Gabby Concepcion.
Bukod dito, super rich si KC dahil sa milyun-milyong ipinamana sa kanya ng kanyang Lolo Pablo Cuneta (SLN) at Mamita Elaine Cuneta. Sobra-sobra ang yaman ni KC Concepcion na kahit hindi na siya mag-artista ay buhay-prinsesa pa rin siya.
Marami rin siyang negosyo, mga investments, at collection ng jewelries. Kahit sinong lalaki ay mai-intimidate na ligawan si KC, kahit pa professional o businessman. Bukod kasi sa mayaman at matalino si KC, dapat ay smart ang makuha niyang boyfriend. Kailangan na may goal sa buhay at may taglay na self-confidence at hindi insecure ang gustong lumigaw upang makapasa sa standard niya.
Ayon kay KC, pagdating sa kanyang love life at personal matters ay hindi nakikialam ang kanyang Mama Sharon. After all, nasa tamang edad na si KC para gumawa ng kanyang desisyon para sa kanyang sarili. Lumaki siyang independent kaya malaki ang tiwala sa kanya ni Sharon Cuneta.
May ilang grupo na nanggugulo at ginagawang isyu ang diumano'y change of name ni Sen. Bong Revilla, Jr..
Sinisisi ng mga ito ang COMELEC dahil pinapaboran daw si Revilla na nagpalit ng pangalan, kaya napunta ito sa slot na No. 11 sa balota.
Depensa naman ng kampo ni Sen. Bong, matagal na niyang ginagamit ang pangalang ‘Bong Revilla’. Taong 1998 ay na-grant na ng korte ang pagpapalit niya ng pangalan na Bong mula sa Jose Mari Bautista.
At noong 2010 ay gamit na niya ang Bong Revilla hanggang 2019.
Samantala, hindi naman nagpapaapekto si Sen. Bong sa mga bashers niya na nag-iingay ngayon. Basta masaya siya dahil ramdam niya ang pagmamahal at suporta sa kanya ng ating mga kababayan kahit saan siya magpunta.
Sa mga events na kanyang pinupuntahan ay mainit ang pagtanggap sa kanya ng lahat, tulad sa Ati-Atihan Festival sa Kalibo, Aklan, sa Sinulog sa Cebu, at sa Dinagyang sa Iloilo, patunay na marami ang nagtitiwala sa kanyang kakayahan bilang public servant.
Malaking tulong din ang action seryeng Tolome, Walang Matigas na Pulis sa Matinik na Misis (TWMNPSMNM). Hindi pa rin kumukupas ang karisma niya sa tao.
תגובות