ni Ador V. Saluta - @Adore Me! | April 1, 2022
Usap-usapan hindi lang sa kampo ng mga "Marites" kundi maging sa grupo ng mga sports enthusiasts ang larawang ipinost ng aktor na si Joshua Garcia kasama ang female basketball player na si Trina Guytingco ng Ateneo de Manila University.
Nabantilawan tuloy ang pagli-link sa actor kay Ria Atayde pagkatapos kumalat ang mga photos nina Joshua at Trina sa social media, kung saan ang isang photo ay makikitang sweet na nakadantay sa dibdib ng aktor ang manlalaro.
Malamang na ang tulay kina Joshua at Trina ay mismong si Kathryn Bernardo na nagsabing matagal na raw silang mag-best friend ng Ateneo player.
Umpisang sumali si Trina sa women’s basketball team ng Ateneo de Manila University nu'ng year 2015. Music lover din si Trina na mahilig mag-piano at gitara, na makikita sa mga Instagram posts niya.
Based on Trina’s post, kuha ang mga larawan sa beach trip nila nina Kathryn nitong nakaraang birthday nito. Kasama rin sa nabanggit na beach trip ang boypren ni Kath na si Daniel Padilla at sina Ria Atayde, Kyle Echarri, Alora Sasam at Zanjoe Marudo.
Sa ilang larawan nina Joshua at Trina, mapapansing komportable sa isa't isa ang rumored couple base na rin sa nag-viral na photos online kung saan nakaakbay pa nga ang aktor sa girl.
Subali't at this moment, wala pang nagsasalita sa dalawa tungkol sa status of their relationship.
Ganunpaman, lumilitaw na approved ng kanilang mga fans ang kanilang relasyon.
Marahil ay naisip ng mga supporters ni Joshua na it's about time na may nagbibigay sa kanya ng inspirasyon.
Commentaires