ni Julie Bonifacio @Winner | July 21, 2024
![Showbiz Photo](https://static.wixstatic.com/media/910a87_d377d6818fca485088cd61300524c4bc~mv2.png/v1/fill/w_656,h_393,al_c,q_85,enc_auto/910a87_d377d6818fca485088cd61300524c4bc~mv2.png)
Ilang oras pagkatapos ng interbyu kay Nadia Montenegro ni King of Talk Boy Abunda sa kanyang Fast Talk ay nag-live naman si Baron Geisler sa kanyang Facebook (FB) page.
Nagte-training si Baron ng boxing when he did his FB Live kahapon. Para raw sa karakter na gagawin niya on his next project kaya siya nagte-training. Dual role ang gagampanan ni Baron dahil twins ang karakter niya sa movie na ididirek ni Cathy Camarillo na siya ring direktor ng That Kind of Love nina Barbie Forteza and David Licauco.
Well, pinapraktis na rin ni Baron ang magsalita with Australian accent dahil need sa role niya. Binanggit din ni Baron ang mga makakasama niya on his next movie project na sina Cedrick Juan at Tirso Cruz III.
Samantala, natapos ang FB Live ni Baron na walang nagtanong o nagbanggit man lang sa aktor tungkol sa pag-amin ni Nadia sa Fast Falk with Boy Abunda na anak nila ang bunso ng dating Regal baby.
Mukhang handa pa naman si Baron na magbigay ng reaksiyon sa mga pahayag ni Nadia sa FTWBA. Maybe some other time na lang gagawin ni Baron ang paghingi ng apology kay Nadia, kung meron man siyang dapat ihingi ng sorry.
During our last interview kay Baron sa special screening ng Moro last Sunday ay nabanggit na niya sa amin na nakakausap niya si Nadia at ang anak nila na si Sophia. In fact, binati pa nga raw ni Sophia ang misis niyang si Jamie Evangelista na nag-birthday last Sunday.
Sa comment section ng FB post ni Baron, maraming nakapanood na sa performance niya sa Moro ang pumuri sa aktor. Nagsimula na kasi ang streaming sa Netflix ng Moro last Thursday.
Well, sagutin kaya ni Baron ang mga sinabi ni Nadia Montenegro tungkol sa kanya sa Fast Talk ni Kuya Boy?
Comments