ni Eli San Miguel @Entertainment News | July 31, 2024
Tiyak na magiging legendary ang paparating na kanta ni Stell ng SB19 dahil ginawa niya ito sa tulong ng isang music legend. Ibinunyag ng miyembro ng SB19 sa X na ang kantang “’Di Ko Masabi” mula sa kanyang upcoming EP na “Room” ay isinulat ng National Artist of the Philippines for Music na si Ryan Cayabyab a.k.a Mr. C.
Si Mr. C din mismo ang nag-produce ng kanta kasama si Marlon Barnuevo. Ipinost ni Stell ang 20-second teaser ng ballad sa X. Ilalabas ni Stell ang kanyang debut solo EP na “Room” sa Agosto 2.
Kasama sa mga tracks ang naunang inilabas na single na “Room,” “Anino,” “Classic,” at isang stripped version ng “Room.”
Comentarios