ni Jemuel C. Salterio @Talbog | Jan. 5, 2025
Kilalang palaban at walang preno, muling pinatunayan ni Annabelle Rama na hindi siya magpapatalo pagdating sa mga mahal niya sa buhay.
Sa isang recent ganap, binasag ni Annabelle ang katahimikan at diretsahang binara si John Estrada tungkol sa mga ginagawa umano nitong pagpapapansin kay Barbie Imperial.
Sa gitna ng isang ambush interview, walang halong arte o pasosyal si Annabelle nang sabihin niya ang kanyang saloobin.
“‘Pag trabaho, trabaho lang. ‘Wag nang kukulitin ang mga batang kababaihan, tigilan mo na si Barbie, Dong. Mahiya ka naman, ang tanda mo na!” wika niya nang may halong diin at pangingilag. Talagang walang filter, mga Ka-BULGARians!
Usap-usapan kasi ang closeness nina John at Barbie noong magkasama sila sa taping ng Batang Quiapo (BQ). Pero ngayon, tapos na ang showbiz trabaho ni Barbie sa serye, kaya bakit daw kailangan pang i-maintain ni John ang ‘communication’? Sino ba ang source? Si Marites ba o ang mga tita-tits sa likod ng kamera?
Ang mas nakakaloka, hindi lang simpleng friendship over ang pinag-uusapan. Ayon sa mga chika, tila nawiwindang ang mga fans sa isyung may love triangle umano sa pagitan nina Barbie, John, at Richard Gutierrez.
True ba itez? Sabi nga ng mga netizens, “Ano na, ‘teh? Dapat pang-MMK ang drama!”
Kung bakit naman super-affected si Annabelle, eh, dahil daw naging close si Barbie sa pamilya ng Gutierrez. May tsikang si Barbie ay may something-something noon kay Richard, kaya naman protective si Tita A.
Minsan nang pinatunayan ni Annabelle na kahit hindi niya literal na anak, kayang-kaya niyang depensahan ang mga taong malapit sa kanya. Ang taray ni mader, ‘di ba?
Nang tanungin kung siya na ba ang bagong manager ni Barbie, cryptic ang sagot ng Queen Mother, “Malalaman ng mga tao sa mga susunod na araw.”
Hmmm, ano kaya ang pasabog? Manager vibes ba o Marites extraordinaire lang?
Dahil nga sa dami ng eksenang ito, trending din ang ganap nina Barbie at Richard na kasalukuyang nasa Japan. Pero ang catch? Magkahiwalay silang nagbabakasyon.
Walang sweet photos, walang clingy moments, kaya naman hindi maiwasan ng mga tao na magtanong: “Split na ba sila?”
Kung may ganap nga sa pagitan nina John at Barbie, dagdagan mo pa ng posibilidad ng tampuhan nina Barbie at Richard.
Aba, eh, parang teleserye na ang peg ng drama nila.
Si John naman, still tahimik sa mga patutsada ni Annabelle. Huwag nang umasa ng sagot agad, kasi nga naman, baka mas lalong mabudol ang plot twist.
Habang tikom pa ang bibig ng lahat ng involved, tuloy ang chikahanchi ng mga tao sa social media.
Ang tanong, matatapos ba ito bilang simpleng issue lang o isa na namang climactic chapter ng madrama nating showbiz world?
Abangan na lang natin ang next eksena. Sabi nga ni Annabelle, “Dong, mahiya ka naman!”
Baka naman next time, may bagong bida sa kuwentong ito. Ang importante, maayos ang lahat —o baka naman, magkabukingan na! Choz!
‘Yun na! Ambooolancia!
Comments