Ayuda para sa walang kayod, itinanggi ng DSWD

ni Eli San Miguel - Trainee @News | November 15, 2023

Itinanggi ng Department of Social Welfare and Development (DSWD) ngayong Miyerkules ang kumakalat na impormasyon na magbibigay ito ng financial assistance sa mga walang trabaho na makakapagsagot ng isang survey.

Sa isang post sa official Facebook page ng DSWD, sinabi nito na "suspicious" ang registration links na kumakalat sa Facebook at Messenger.

“The DSWD does not ask the public to answer survey questionnaires in exchange for unemployment financial assistance,” saad ng DSWD sa post.

“Be careful and verify what you read online first. Don't simply believe the content that doesn't come from credible and reliable sources,” dagdag nito.