ni Madel Moratillo @News | August 9, 2023
Nagsasagawa na ng malawakang assessment ang Department of Social Welfare and Development sa mga benepisyaryong kabilang sa Pantawid Pamilyang Pilipino Program (4Ps).
Sa ilalim nito, tinitignan ang mga benepisyaryo na wala na sa kategoryang mahirap o nasa listahan ng non-poor.
Kasunod ito ng direktiba ni Secretary Rex Gatchalian na i-reassess ang mga nasa listahan ng programa.
Sa pamamagitan ng Social Welfare and Development Indicators tool, aalamin ang kondisyon ng pamumuhay ng pamilyang kabilang 4Ps.
Ang mga benepisyaryo na mapapabilang sa kategorya ng “self-sufficient” ay isasailalim sa case management saka opisyal na lalabas sa programa. Makatatanggap naman ang mga apektadong benepisyaryo ng cash grants depende sa resulta ng assessment at pagsunod sa mga itinakdang kondisyon ng programa.
Comments