ni Nitz Miralles - @Bida | August 02, 2021
Isang madamdaming post sa Instagram account ni Kris Aquino ang nagpaiyak sa kanyang mga followers at mga nagmamahal sa Aquino family.
Alam ni Kris na marami ang nagtataka kung bakit wala siyang post at sabi nito, “Now is still not the right time for me... Naghihintay pa ako ng ‘go signal’ from him. I know my brother will find a way to let ‘bunso’ know when it’s time for all of you to hear the story from me of our journey- simply because all of you are a very special part of our journey, one I believe is a continuing one.”
Pinasalamatan ni Kris ang lahat ng nagparamdam na hindi sila nag-iisa at may kasama silang magkakapatid sa pagkawala ni former President Noynoy.
Samantala, tanong ng mga fans ni Kris na excited na sanang muli siyang mapanood sa telebisyon sa August 8 sa Mega Flash Sale ng Shopee, matutuloy ba ang live telecast ng Wowowin: Tutok to Win?
In-announce na ni Willie Revillame na si Kris ang special co-host niya sa live show na gaganapin bago ang All-Out Sundays. Kaya lang, may inilabas na press release ang Film Development Council of the Philippines na suspended ang lahat ng film and AV Productions sa NCR mula sa Aug. 6-20 dahil sa ECQ upang mapigilan ang pagkalat ng Delta variant ng COVID-19.
Kasama sa mga ipagbabawal ay ang film, music at television production at lahat ng production activities sa NCR.
Apektado nito ang tapings ng mga shows na ang studio o location ay nasa ilalim ng ECQ. Iyong mga location na nasa ilalim ng GCQ at MCQ ay puwedeng magpatuloy basta susunod sa strict safety precautions at babawasan ang tao sa set.
Puwedeng matuloy pa rin ang guesting ni Kris sa Wowowin kung ite-tape na lang ang episode this week bago ang Aug. 6 and for airing on Aug. 8. Tapos naman na yata ang pag-aayos ng studio kung saan gagawin ang show.
Comments