ni Atty. Persida Rueda-Acosta @Magtanong Kay Attorney | Jan. 19, 2025
Alam ng ating Estado ang kahalagahan ng edukasyon para sa ikauunlad ng ating pamayanan. Kaya naman, isa sa mga batas na ipinasa ay ang Republic Act (R.A.) No. 12006. Ito ay kilala sa mas pinaiksing titulo na “Free College Entrance Examinations Act.”
Ayon sa batas na ito, isa sa mga patakaran ng Estado na protektahan at itaguyod ang karapatan ng lahat ng mamamayan sa de-kalidad na edukasyon sa lahat ng antas pati ang edukasyong tersiyaryo. Alinsunod sa ipinahayag na patakarang ito, at bilang pagkilala sa pangangailangang tulungan ang mga mahihirap na mag-aaral na nagpapakita ng potensyal para sa kahusayan sa akademya, hindi pagbabayarin ng Estado ang mga kuwalipikadong nagtapos at nagtapos na mga mag-aaral mula sa pagbabayad ng mga bayarin sa pagsusulit sa pasukan na pinangangasiwaan ng mga private higher education institutions (HEI).
Inilahad sa Section 5 ng nabanggit na batas ang mga sumusunod:
“Section 5. Eligibility Requirements. - A graduate or graduating student shall be eligible for the waiver of college entrance examination fees and charges upon the satisfaction of the following qualification and requirements:
(a) The graduate or graduating student must be a natural-born Filipino citizen;
(b) The graduate or graduating student must belong to the top ten percent (10%) of his or her graduating class;
(c) The graduate or graduating student must belong to a family whose combined household income falls below the poverty threshold as defined by the National Economic and
Development Authority or cannot afford in a sustained manner to provide for their minimum basic needs of food, health, education, housing and other essential amenities of life duly certified as such by the Department of Social Welfare and Development;
(d) The graduate or graduating student must apply for college entrance examination to any private HEI within the country; and
(e) The graduate or graduating students must satisfy all other requirements as specified by the private HEI concerned.”
Malinaw na nakasaad ang kuwalipikasyon bago maaaring tamasahin ang benepisyong ito. Kinakailangan na ang graduate o graduating student ay isang likas na Pilipino; kasama sa top 10% ng graduating class; ang nagtapos na mag-aaral ay dapat kabilang sa isang pamilya na ang pinagsamang kita ng sambahayan ay mas mababa sa limitasyon ng kahirapan na tinukoy ng National Economic and Development Authority (NEDA) o hindi kayang tustusan ng kanilang kinikita ang kanilang pinakamababang pangunahing pangangailangan sa pagkain, kalusugan, edukasyon, pabahay at iba pang mahahalagang pasilidad ng buhay na sertipikado ng Department of Social Welfare and Development (DSWD); at ang nagtapos na mag-aaral ay dapat mag-aplay para sa entrance examination sa kolehiyo sa alinmang pribadong HEI sa loob ng bansa.
Alinsunod sa Seksyon 8(e) ng Republic Act (R.A.) No. 7722, na kilala bilang “Higher Education Act of 1994”, ang CHED ay pinahihintulutan na matukoy at magpataw ng naaangkop na mga parusa laban sa mga responsableng opisyal o empleyado ng mga pribadong HEI kung hindi sila susunod sa probisyon ng batas na ito.
Comments