ni Erlinda Rapadas @Teka Nga | Jan. 20, 2025
Photo: Alden Richards at Luis Manzano - Instagram
Ginagawang usap-usapan ngayon ang pag-eendorso ni Alden Richards ng isang sikat na sabong panlaba, kahit na sa tunay na buhay ay hindi naman daw siya naglalaba dahil super rich na siya ngayon.
Pero sa depensa ni Alden, ibinahagi niyang noong nagsisimula pa lang siya sa showbiz, naranasan niyang maglaba ng sarili niyang damit at maglinis ng kanilang bahay.
“Hindi ko ikinakahiya ang mga pinagdaanan ko noon,” ani Alden, na tila sagot sa mga pumupuna sa kanya.
Si Alden Richards ang ipinalit kay Luis Manzano bilang endorser ng nasabing produkto.
Si Luis ay kasalukuyang tumatakbo bilang vice-governor ng Batangas, kaya’t bawal na siyang mag-endorso ng anumang produkto.
Samantala, tanong naman ng ilang fans ni Alden, bakit nga ba maraming celebrities na hindi naman marunong maglaba o magluto ang kinukuha pa rin bilang endorser ng mga produkto? Ilan sa mga naungkat na pangalan ay sina Regine Velasquez, Kris Aquino at Anne Curtis, na pawang naging mukha ng iba’t ibang household products noon.
Sa kabila ng kontrobersiya, nananatiling confident si Alden sa kanyang role bilang endorser, lalo’t isa siya sa mga pinakamaaasahang pangalan sa industriya ngayon.
After magsayaw sa gay bar para kumita…
MARK, NAGBENTA KAY BOSS TOYO NG LUMANG PERA
Matapos maging isyu sa showbiz ang pagso-show ni Mark Herras sa isang gay bar, napansin naman sa social media ang pagbebenta niya kay Boss Toyo ng kanyang koleksiyon ng vintage coins.
Nasa P20 thousand ang presyo ni Mark sa kanyang vintage coins, pero tinawaran ito ni Boss Toyo ng P15 thousand. Nagkasundo sila sa halagang P18 thousand at may dagdag pang free dance album ni Mark Herras na pinirmahan pa niya.
Well, curious ang mga netizens kung ano pa ang susunod na ibebenta ni Mark para lang kumita ng extra para maitaguyod ang kanyang pamilya.
Mabuti na lang at nakapagpundar na siya ng sariling bahay bago siya nag-settle down.
Wish naman ng mga tagahanga ni Mark, sana ay isama siya ng GMA Network sa mga bagong serye sa taong 2025 upang magkaroon siya ng regular na pagkakakitaan.
Handa namang magbago si Mark Herras para mabigyan ng magandang future ang kanyang pamilya.
Knows mo ‘yan, Aljur…
BF NI KYLIE, ‘DI PA NALALANTAD SA PUBLIKO, BREAK NA
Maugong ang balitang break na raw si Kylie Padilla sa kanyang rumored non-showbiz boyfriend. Hindi pa nga raw nakikita ng publiko ang hitsura ng boyfriend ni Kylie ay tinapos na nila ang kanilang relasyon.
Hindi kasi nagpo-post sa social media si Kylie ng larawan nilang mag-boyfriend kaya pahulaan pa rin kung sino at ano ang hitsura ng guy.
Payo naman ng marami kay Kylie Padilla ay pagpahingahin muna ang kanyang puso at huwag na munang pumasok sa bagong relasyon. Ibuhos na lang niya ang kanyang panahon sa dalawa niyang anak na sina Alas at Axl, at mag-focus na lang sa kanyang career.
Hindi naman kailangang patunayan ni Kylie na makakakuha siya ng kapalit ni Aljur Abrenica sa kanyang puso. Mas maa-appreciate ng marami kung mananatili siyang loving at caring mom sa mga anak niyang sina Alas at Axl. Darating din sa tamang panahon ang tunay na pag-ibig na deserve ni Kylie.
Comments