ni Angela Fernando - Trainee @News | March 21, 2024
Nag-guest kamakailan sina Alessandra De Rossi at Empoy Marques sa YouTube channel na ‘TicTALK with Aster Amoyo.’
Very funny ang naging guesting ng dalawa — walang minutong hindi ka tatawa dahil ang episode ay napuno ng mga hirit at okrayan!
Sa kanilang panayam sa TV host na si Aster Amoyo, hindi napigilang usisain nito kung may something ba sa platonic friendship ng dalawa or “baka may chance” na mahulog sila sa isa't isa dahil madalas ngang magkapareha sa mga movies at shows ang kilalang love team.
Agad naman itong sinagot ni Alessandra, hindi pa tapos ang tanong pero mukhang sure na sure na ang aktres sa sagot niya.
Sey ng aktres, wala raw chance dahil hindi rin naman daw maniniwala ang taong papatol siya kay Empoy kaya naman safe na safe ang kanilang love team na mas kilala bilang ‘AlEmpoy.’
Natatawa namang sinabi ni Empoy na hindi raw siya papatol kay Alessandra dahil hindi niya 'to type.
Hindi naman pumayag ang netizens dahil bentang-benta ang love team ng dalawa sa masa. May humirit pa ng petisyon para “the two can start dating,” na raw at suportado nila kung sakaling magkaroon ng chance na maging officially together sina Alessandra at Empoy.
Comments