ni Julie Bonifacio @Winner | Mat. 20, 2025
May hugot ang post ni Alden Richards sa X (dating Twitter) kahapon. ‘Yan ang reaksiyon ng mga followers ng aktor sa X.
Post ni Alden sa X, “No need to comment on my journey; just enjoy your own (like emoji).”
Tila may pinapatamaan daw si Alden, ayon sa ilang mga netizens. Baka kasi nabibingi ang mga kritiko ni Alden sa katahimikan ng takbo ng career nito ngayon, especially ang personal life ni Alden.
Pagkatapos kasi ng super-mega hit na movie nila ni Kathryn Bernardo ay naputol na rin ang tsika sa closeness nila. And recently, nali-link na si Kathryn sa isang mayor.
Pero ang “true” followers ni Alden ay naha-happy naman sa post ng Kapuso actor sa X:
“Ang nice mo pa rin. Instead please say, ‘Mind po your own business.’ magalang pa rin pero fierce (muscle emoji).”
“Basta enjoy ka sa journey mo, happy na kami (heart emoji).”
“Wishing you all the best on your journey. May God continue to bless you (praying emoji).”
Para sa mga “nabibingi” sa katahimikan ni Alden, makikita ang Kapuso actor sa 38th Star Awards for TV, kung saan makakasama niya sina Kim Chiu at Piolo Pascual as hosts sa star-studded event na magaganap sa Dolphy Theater ng ABS-CBN this coming Sunday.
Mapapanood ang delayed telecast sa April 5, Sabado, 10:30 PM sa A2Z.
After 27 yrs.
ALYNNA, HIWALAY NA KAY HAJJI
AFTER 27 years, hiwalay na ang singer na si Alynna sa kanyang partner na OPM icon na si Hajji Alejandro.
Kung inyong matatandaan, si Alynna ang kumanta ng hit songs na Kahit Gaano Kalaki at Pasumpa-Sumpa Ka Pa.
Pansamantala niyang itinigil ang kanyang career para suportahan si Hajji sa professional and personal career nito.
Kamakailan ay kumalat sa socmed (social media) ang balitang may malubhang karamdaman si Hajji. Katunayan, humingi ng dasal ang mga kaibigan at schoolmates ni Hajji para sa pagbuti ng kanyang kalusugan.
And now we heard, bumuti na raw ang lagay ng OPM icon. Although, naka-confine pa rin daw sa ospital para sa kanyang tuluyang paggaling.
‘Yun nga lang, hindi na mababantayan at masasamahan ni Alynna si Hajji sa kanyang recovery. Kaya marami ang nanghihinayang na natapos na ang relasyon nina Alynna at Hajji pagkatapos ng almost 3 decades.
Pero maaaring blessing in disguise na rin ang nangyari kasi this time, magkakaroon na ng time si Alynna to revive her singing career.
Sa true lang, mahusay na singer si Alynna. Kabilang si Alynna sa The New Minstrels batch 5 or 6. She’s the baby in the group when she joined The New Minstrels. And now, sa kanyang pagbabalik sa showbiz, todo-promote na siya sa latest song niya na composed ng another OPM icon na si Rey Valera titled Dapat Ba Akong Mangarap.
Bukod sa pagkanta, susubukan din ni Alynna ang umarte sa pelikula at telebisyon.
Niluluto na ang pelikulang gagawin ni Alynna and soon, we’ll give you details.
Abangan!