ni Beth Gelena @Bulgary | May 20, 2024
Ikinasal na ang mga dating child stars na sina Nash Aguas at Mika Dela Cruz.
Sabay silang nagkasama sa long running kids’ gag show na Goin' Bulilit. Sila ay parehong batch 7 at sabay na gumradweyt sa programa nu’ng 2011.
Naging magkatrabaho rin sila sa ilang proyekto and after ay nagkahiwalay na ng landas.
Muling nagkita sina Nash at Mika nang magkaroon ng reunion ang Goin' Bulilit.
Nanumbalik ang pagkagusto ni Nash kay Mika, kaya niligawan na niya ito at sinagot naman siya nu’ng 2018.
Nang maging sila, ayaw na ni Mika makatrabaho si Nash. Ang rason niya ay para raw hindi maapektuhan ang kanilang love life kung hindi sila magka-love team. Hanggang napabalitang nagli-live-in na raw ang young couple.
Nitong 2022 naman ay napabalitang preggy na si Mika na itinanggi ni Nash.
Ang sabi ng aktor, “Dahil nga sa lumaki kasi siyempre, alam mo na, wala pang work. Stay sa bahay so medyo biggie s’ya.”
At ngayon, may posted video na ang young couple na sila ay ikinakasal na ikinagulat ng maraming mga celebrities.
Sa Instagram post ni Mika nitong Sabado, May 18, ay ibinahagi niyang naglalakad siya sa aisle na may caption: “Walking towards my God-sent, my Love, and my forever.”
Ikinasal ang dalawa sa Adriano’s Events Place and Prayer Garden sa Tagaytay.
Komento nga ng actress-politician sis ni Mika na si
Angelika Dela Cruz, “I love you soooooo much beautiful bride.”
Ang siste, hindi pa rin nakaligtas si Mika sa mga may makakating dila:
“Nyontis,” komento ng isang commenter.
“Parang preggy s’ya sa 1st photo? Well, happy pa rin naman for them.”
“Kaya nga, pero at least, pinakasalan. Pinanindigan.”
“I think she is. She looks manas like any preggy woman.”
“Wow, they're both 25 years old. Sana, magtagal sila.”
“Childhood sweethearts po sila, matagal na sila.”
“‘Yung parang segment lang ng Goin’ Bulilit pa rin ang nakikita ko sa wedding nila. Grabe, tanda ko na.”
“Ang galing ni Nash, talagang naghintay s’ya, super-tinong lalaki. Sana all ganyan.”
“Sila talaga ang end game. Congratulations!”
Kommentarer